Sənaye və Energetika Nazirliyində İsveç nümayəndə heyəti ilə görüş olmuşdur

Noyabrın 23-də Azərbaycan Respublikası sənaye və energetika naziri Natiq Əliyev İsveçin xarici işlər üzrə dövlət katibi Frank Belfraqenin rəhbərlik etdiyi nümayəndə heyəti ilə görüşmüşdür.

Sənaye və Energetika Nazirliyindən AzərTAc-a bildirmişlər ki, nazir Natiq Əliyev müstəqillik illərində Azərbaycanda həyata keçirilmiş enerji siyasəti, layihələr və investisiya proqramları haqqında, həmçinin ölkənin sənaye potensialı barədə qonaqlara ətraflı məlumat vermişdir. Qeyd etmişdir ki, müstəqilliyini bərpa etdikdən sonra Azərbaycanda neft-qaz hasilatı əhəmiyyətli dərəcədə, 6 dəfədən çox artmışdır. Bu gün Azərbaycan enerji sahəsində həm özünün, həm də regional strateji əhəmiyyətli layihələrin təhlükəsizliyini yüksək dərəcədə təmin edir.

Sonda qarşılıqlı maraq doğuran məsələlər müzakirə edilmiş, fikir mübadiləsi aparılmışdır.

Azərbaycan.- 2011.-24 noyabr.- S. 6.