Qəbələdə
keçirilən beynəlxalq düşərgə gənc ekoloqlar arasında əməkdaşlığın
qurulması baxımından gözəl imkandır
Qəbələdə keçirilən beynəlxalq düşərgə gənc ekoloqlar arasında əməkdaşlığın qurulması baxımından gözəl imkandır. Bu düşərgə həmçinin gənclərin maarifləndirilməsi baxımından da böyük əhəmiyyətə malikdir.
Bu sözləri düşərgədə iştirak edən Estoniya parlamentinin üzvü Rainer Vakra AzərTAc-a müsahibəsində söyləmişdir.
Rainer Vakra demişdir: "Ümumiyyətlə, düşərgənin aparıcı qüvvəsini gənclərin təşkil etməsi çox müsbət haldır. Çünki burada iştirak edən gənclər gələcəyin liderləri, iş adamları, alimləridirlər".
Düşərgənin nəticəsi
olaraq qəbul edilmiş
Qəbələ Bəyannaməsinin əhəmiyyətinə
toxunan Estoniya parlamentinin üzvü bu sənəddə öz
əksini tapmış prinsiplərin həyata keçirilməsinin
planetimizin üzləşdiyi ekoloji problemlərin həllinə mühüm töhfə verəcəyinə əmin
olduğunu bildirmişdir.
Azərbaycan.- 2011.- 27 noyabr.- S. 5.