Azərbaycanın BMT Təhlükəsizlik Şurasına seçkilərdə qazandığı böyük zəfər Almaniya KİV-lərində geniş işıqlandırılmışdır

Almaniyanın televiziya və radio kanalları BMT Təhlükəsizlik Şurasına seçkilərdə Azərbaycanın bu mötəbər təşkilatın üzvü seçilməsi ilə əlaqədar məlumatlar yaymışdır. Bu ölkənin nüfuzlu televiziya və radio kanalı ARD öz internet portalında Azərbaycanın BMT Təhlükəsizlik Şurasına seçkilərdə mübarizədə qazandığı böyük zəfəri geniş işıqlandırmışdır.

Almaniyanın NDR televiziya və radio kanalının Nyu-York studiyasının müxbiri Klaudia Sarre Azərbaycanın BMT Baş Məclisinin plenar iclasında gizli səsvermənin nəticələrinə görə 2012-2013-cü illərdə Şərqi Avropa bölgəsini Təhlükəsizlik Şurasında təmsil edəcək yeni qeyri-daimi üzv seçilməsini, 155 ölkə tərəfindən dəstəklənməsini dövlətimizin xarici siyasətinin böyük qələbəsi adlandırmışdır.

Azərbaycan.- 2011.-26 oktyabr.- S. 7.