Rasim Musabəyov: Azərbaycanın BMT Təhlükəsizlik Şurasının üzvü seçilməsi böyük diplomatik qələbədir

"Azərbaycanın BMT Təhlükəsizlik Şurasının qeyri-daimi üzvü seçilməsi böyük diplomatik qələbədir". Bu fikri Milli Məclisin deputatı, politoloq Rasim Musabəyov deyib.

R.Musabəyov bildirib ki, quruma üzvlük məsələsi ilə bağlı bir çox dövlətlər Azərbaycanın yanında olublar və ölkəmizlə bu uğuru bölüşürlər. "O ki qaldı Azərbaycana xor baxan dövlətlərə, onlar BMT TŞ-nin üzvlüyü üçün keçirilən səsvermənin nəticələrini öz siyasətlərində, öz yanaşmalarında nəzərə almağa məcbur olacaqlar. Bu səsvermə ərəfəsində Azərbaycan bir çox dövlətlərlə fəal dialoqda idi. Hesab edirəm ki, BMT-də Dağlıq Qarabağla bağlı qətnamə səsverməyə çıxarılanda da bu fəaliyyət həmin sənədin qəbulunda öz müsbət təsirini göstərəcək", - deyə politoloq vurğulayıb.

Azərbaycan.- 2011.- 28 oktyabr.- S. 4.