Azərbaycan ilə Qazaxıstan arasında hərbi sahədə əməkdaşlığın genişləndirilməsi məsələləri müzakirə edilmişdir

Bakıya işgüzar səfərə gələn Qazaxıstanın müdafiə naziri Adilbek Caksıbekov sentyabrın 6-da Azərbaycanın müdafiə naziri, general-polkovnik Səfər Əbiyevlə görüşmüşdür.

Müdafiə Nazirliyinin mətbuat xidmətindən AzərTAc-a bildirmişlər ki, görüşdə iki qardaş ölkə və xalqlar arasında tarixi bağlılıqdan söhbət açan nazirlər əlaqələrin perspektivləri barədə fikir mübadiləsi aparmışlar. Hərbi sahədə əməkdaşlığın inkişaf etdirilməsi görüşdə əsas müzakirə mövzusu olmuşdur.

Söhbət zamanı Səfər Əbiyev həmkarını bölgədəki hərbi-siyasi vəziyyət və Ermənistanın işğalçılıq siyasəti barədə də məlumatlandırmışdır.

Azərbaycan.- 2011.- 7 sentyabr.- S. 4.