Azərbaycan Respublikasının Mərkəzi
Seçki Komissiyasına daxil
olmuş 16 sentyabr
2011-ci il tarixli 14
saylı müraciətə baxılması barədə Azərbaycan
Respublikası Mərkəzi Seçki
Komissiyasının Qərarı
Qərar
N 8/27
95 saylı Tərtər
seçki dairəsi dairə seçki komissiyasının həlledici səs
hüquqlu üzvü
Əliyev Şahin İslam
oğlu 2011-ci il
sentyabrın 16-da Azərbaycan Respublikasının Mərkəzi
Seçki Komissiyasına yazılı
müraciət edərək, 95 saylı Tərtər seçki dairəsinin dairə
seçki komissiyası tərəfindən
həmin seçki dairəsinin ərazisində
olan məntəqə seçki
komissiyaları formalaşdırılarkən deputatları Milli Məclisdə azlıq təşkil edən
siyasi partiyaların təmsilçilik
normalarının pozulduğunu bildirib, bununla bağlı
müvafiq dairə seçki
komissiyasının 15 avqust 2011-ci il tarixli 4/10 saylı qərarının
qanunsuz olması səbəbindən ləğv
olunmasını və həmin şəxslər haqqında qanunla müəyyən edilmiş
qaydada tədbirlərin görülməsini
xahiş etmişdir.
Müraciət Azərbaycan
Respublikası Seçki Məcəlləsinin
112 və 112-1-ci maddələrinə və "Azərbaycan
Respublikasının Mərkəzi Seçki
Komissiyasına və dairə seçki
komissiyalarına seçki
hüquqlarının pozulması ilə əlaqədar
şikayət və müraciətlərin verilməsi və onlara baxılması qaydaları
haqqında Təlimat"ın tələblərinə uyğun tərtib edildiyindən Azərbaycan
Respublikasının Mərkəzi Seçki
Komissiyası nəzdində yaradılmış ekspert qrupunun üzvü tərəfindən nəzərdən
keçirilərək, müvafiq rəy verilmiş və Mərkəzi Seçki
Komissiyasının iclasında baxılmışdır.
Daxil olmuş müraciət nəzərdən
keçirilərkən müəyyən edilmişdir
ki, şikayətçi Əliyev Şahin İslam oğlu dairə seçki
komissiyasının 15 avqust 2011-ci il tarixli iclasında
komissiyanın həlledici səs hüquqlu
üzvü olaraq iştirak etmiş və qərardan
həmin gün məlumatlı olmuşdur.
Eyni zamanda qəbul olunmuş qərar həmin gün
dairə seçki komissiyasının
löhvəsindən asılmış və qərarın mətni
tam şəkildə əks edilmiş iclas protokolunun surəti 22 avqust
2011-ci il tarixində maraqlı şəxsə
çatdırılmışdır.
Belə
ki, müraciətin daxilolma
tarixindən, 95 saylı Tərtər seçki
dairəsi dairə seçki
komissiyasının 15 avqust 2011-ci il tarixli 04 saylı protokolundan və adı çəkilən
dairə seçki komissiyası sədrinin
məktubundan görünür ki, şikayətçi Əliyev Şahin İslam oğlu dairə seçki
komissiyasının müvafiq qərarından məlumatlı olmuş və şikayəti şikayətvermə
müddətinin ötürülməsi ilə vermişdir.
Yuxarıda
göstərilən Təlimatın 7.1-ci bəndinə əsasən
seçki komissiyaları tərəfindən
şikayət qeydə alındığından və
baxılması üçün ekspertə
təqdim edildikdən sonra ekspert
həmin şikayəti ilkin olaraq nəzərdən keçirir. Bu zaman ekspert
şikayətin Seçki Məcəlləsi
və bu Təlimatla müəyyən edilmiş qaydaların pozulması ilə daxil olduğunu aşkar etdikdə, bu barədə
qrup koordinatorunu məlumatlandırmaqla,
şikayətin onu təqdim edən şəxsə
qeri göndərilməsinə dair rəy verməlidir.
Azərbaycan
Respublikası Seçki Məcəlləsinin
112.1-ci maddəsinə və "Azərbaycan Respublikası Mərkəzi
Seçki Komissiyasına və dairə seçki komissiyalarına seçki
hüquqlarının pozulması ilə əlaqədar
şikayət və müraciətlərin verilməsi və onlara baxılması qaydaları haqqında Təlimat"ın
4.1.2-ci
bəndinə əsasən seçki
subyektləri vətəndaşların seçki
hüquqlarını pozan qərar və hərəkətlərdən
(hərəkətsizlikdən) həmin qərarın dərc edildiyi və ya
alındığı, hərəkətin (hərəkətsizliyin)
baş verdiyi gündən
və ya maraqlı şəxsin bu haqda məlumat
aldığı gündən başlayaraq
3 gün müddətində şikayət
edə bilərlər.
Ona görə də müraciətdə
qeyd edilən qanun
pozuntuları ilə əlaqədar qanunvericiliklə müəyyən
edilmiş qaydada və
müddətdə şikayət verilmədiyindən,
müraciət mahiyyəti üzrə araşdırılmadan geri göndərilməlidir.
Yuxarıda
göstərilənləri əsas götürərək, Azərbaycan
Respublikasının Mərkəzi Seçki
Komissiyası Azərbaycan Respublikası Seçki
Məcəlləsinin 19.4-cü, 28.2-ci, 112-ci, 112-1-ci maddələrinə
və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki
hüquqlarının pozulması ilə əlaqədar
şikayət və müraciətlərin verilməsi və onlara baxılması qaydaları haqqında Təlimat"ın
1-ci, 2-ci, 4.1.2-ci, 6 və 7-ci bəndlərinə əsasən qərara
alır:
1. Vətəndaş Əliyev Şahin
İslam oğlunun Mərkəzi Seçki Komissiyasına daxil
olmuş 16 sentyabr 2011-ci il tarixli 14 saylı müraciəti
qanunvericiliklə müəyyən olunmuş şikayətvermə
müddəti ötürülməklə verildiyindən ərizəçiyə
geri göndərilsin.
2. Qərar dərc edildiyi gündən
qüvvəyə minir.
Sədr Məzahir Pənahov
Katib
Arifə Muxtarova
Katib Mikayıl
Rəhimov
19.09.2011
Azərbaycan.-2011.-20
sentyabr.-S.5.