Türkiyənin Baş naziri BMT Baş Məclisində Ermənistan prezidentinin çıxışı zamanı iclas zalını tərk etmişdir

Türkiyənin Baş naziri Rəcəb Tayyib Ərdoğan BMT Baş Məclisinin 66-cı sessiyasında Ermənistan prezidenti Serj Sarkisyanın çıxışı zamanı iclas zalını tərk etmişdir.

AzərTAc Türkiyə KİV-yə istinadla xəbər verir ki, Baş nazir erməni prezidentinin qondarma Dağlıq Qarabağ rejimi haqqında səsləndirdiyi mənasız fikirlərinə etiraz olaraq bu addımı atmışdır.

Rəcəb Tayyib Ərdoğan BMT Baş Məclisinin 66-cı sessiyasının keçirildiyi iclas zalına Fələstin Dövlətinin Prezidenti Mahmud Abbasın çıxışı zamanı qayıtmışdır.

Azərbaycan.-2011.-25 sentyabr.-S.7.