Viktor Sadovniçi: “Bakı filialı Moskva Dövlət Universitetinin incisidir”

M.Lomonosov adına Moskva Dövlət Universitetinin rektoru Viktor Sadovniçi AzərTAc-a müsahibəsində demişdir: "Bakı filialı Moskva Dövlət Universitetinin incisidir. Mübaliğəsiz demək olar ki, MDU-nun Bakı filialının yaradılması Rusiya-Azərbaycan münasibətlərinin zirvəsi olmuşdur".

Tanınmış rusiyalı alim, dünyanın nüfuzlu ali məktəblərindən birinin rektoru Viktor Sadovniçi professor Nərgiz xanım Paşayevanın rəhbərlik etdiyi Azərbaycan ali məktəbinin fəaliyyətini yüksək qiymətləndirərək xüsusi vurğulamışdır ki, MDU-nun filialları çoxdur, lakin Bakı filialı onların arasında seçilir.

Viktor Sadovniçi demişdir: "Orada bizim gələcək elm adamları hazırlanır. Mən Bakı Beynəlxalq Humanitar Forumunun işində iştirak edərkən hiss etdim ki, biz bir-birimizə çox lazımıq. Biz qonşuyuq, buna görə biz bir yerdə olmalı, bir-birimizi sevməli, bir-birimizə hörmət etməliyik. Mənim azərbaycanlı tələbələrim və dissertantlarım çox olmuşdur, indi də var. Biz heç vaxt bir-birimizi yad hesab etməmişik. Düzdür, indi biz iki müstəqil dövlətin vətəndaşlarıyıq, buna baxmayaraq, dostluğumuzu və tərəfdaşlıq münasibətlərini qoruyub saxlaya bilmişik. Bu gün biz diplomatik münasibətlər yaradılmasının 20 illiyini birlikdə qeyd edirik, lakin tarix təkcə bundan ibarət deyil. Düşünürəm ki, bu tarix hələ onilliklər boyu, yüzilliklər, minilliklər boyu davam edəcəkdir".

AzərTAc

Azərbaycan.- 2012.- 8 aprel.- S. 5.