Azərbaycan Prezidenti İlham Əliyev bp şirkətinin icraçı direktoru Robert Dadlini qəbul etmişdir

Azərbaycan Respublikasının Prezidenti İlham Əliyev aprelin 17-də bp şirkətinin icraçı direktoru Robert Dadlini qəbul etmişdir.

Görüşdə Azərbaycan ilə bp şirkəti arasında uzun illər həyata keçirilən uğurlu əməkdaşlıq məmnunluqla qeyd olundu.

bp şirkətinin icraçı direktoru Robert Dadli "Şahdəniz" yatağının işlənilməsi layihəsinin 2-ci fazası və icrada olan digər layihələrin gedişi barədə Azərbaycan Prezidentinə məlumat verdi.

Görüşdə əməkdaşlığımızın perspektivləri ətrafında fikir mübadiləsi aparıldı.

AzərTAc

Azərbaycan.- 2012.- 18 aprel.- S. 1.