Bakıda Türkdilli Ölkələrin Əməkdaşlıq Şurasının üzvü olan ölkələr arasında əməkdaşlığın genişləndirilməsi məsələləri müzakirə olunmuşdur

Aprelin 17-də Azərbaycanın xarici işlər naziri Elmar Məmmədyarov ölkəmizdə səfərdə olan Türkdilli Dövlətlərin Əməkdaşlıq Şurasının baş katibi Xəlil Akıncı ilə görüşmüşdür.

Xarici İşlər Nazirliyinin mətbuat xidmətindən AzərTAc-a bildirmişlər ki, görüşdə təşkilatın əhəmiyyəti, onun üzvü olan ölkələr arasında müxtəlif sahələrdə əməkdaşlığın daha da genişləndirilməsi sahəsində birgə səylərin artırılmasının vacibliyi vurğulanmışdır.

Bundan əlavə, görüşdə cari və növbəti illərdə təşkilatın qarşısında duran məqsəd və vəzifələr, habelə qarşılıqlı maraq doğuran bir sıra məsələlər barədə fikir mübadiləsi aparılmışdır.

Azərbaycan.- 2012.- 18 aprel.- S. 2.