Festival çərçivəsində dünya şöhrətli Avstriya bəstəkarı Frans Şubertin əsərlərindən ibarət konsert uğurla keçmişdir

 

 Heydər Əliyev Fondunun möhtəşəm mədəniyyət layihələrindən biri kimi beynəlxalq aləmdə böyük əks-səda doğuran Qəbələ IV Beynəlxalq Musiqi Festivalı uğurla davam edir.

AzərTAc xəbər verir ki, festivalın proqramına uyğun olaraq iyulun 31-də "Qafqaz Resorte" hotelində növbəti kamera musiqisi axşamı keçirilmişdir.

Yerlixarici ölkə tamaşaçılarının iştirak etdikləri konsertdə dünya şöhrətli avstriyalı bəstəkar, musiqidə romantizmin banilərindən biri sayılan, çoxsaylı simfoniya, opera, kamerasolo piano musiqilərinin müəllifi Frans Şubertin əsərləri səsləndirilmişdir.

Konsertdə P.Çaykovski adına Moskva Dövlət Konservatoriyasının aspirantı, Qəbələ II Beynəlxalq Piano Müsabiqəsinin qalibi, M.RostropoviçD.Şostakoviç adına musiqi fondlarının təqaüdçüsü, rusiyalı pianoçu Andrey Yaroşinski, Moskva Dövlət Konservatoriyasının dosenti, beynəlxalq müsabiqələrin qalibi Nadejda Tokareva (violin), "Sehrli kaman" beynəlxalq müsabiqəsinin "Qran-pri" mükafatının sahibi, Klivlend Musiqi İnstitutunun tələbəsi Fyodor Amosov (violonçel), festivalın bədii rəhbəri, "Yeni Rusiya" Dövlət Simfonik Orkestrinin dirijoru Dmitri Yablonski (violonçel), Rusiya Federasiyasının xalq artisti, "Moskva virtouzları" kamera orkestrinin solistidirektoru Qriqori Kovalevski (kontrabas) və Rusiya Musiqi Akademiyasının müəllimi Aleksandr Akimovun (viola) iştirakı ilə yüksək səviyyədə təqdim olunan musiqi əsərləri tamaşaçılar tərəfindən hərarətlə qarşılanmışdır.

 

 

Azərbaycan.- 2012.- 1 avqust.- S. 7.