Azərbaycan Prezidenti İlham Əliyevin göstərişinə əsasən İranda zəlzələdən zərər çəkənlərə avtomobil karvanı ilə yardım yola salınmışdır

Azərbaycan Respublikasının Prezidenti İlham Əliyevin göstərişinə əsasən Fövqəladə Hallar Nazirliyi (FHN) avtomobil karvanı ilə İran İslam Respublikasında zəlzələdən zərər çəkmiş insanlara yardım göndərmişdir.

25 avtomobildən ibarət yardım karvanı avqustun 13-də gecə saatlarında Bakıdan İrana yola düşmüşdür.

FHN-in Mülki Müdafiə Qoşunlarının qərargah rəisi, polkovnik Aslan Hüseynov bildirmişdir ki, Azərbaycan Prezidenti, Silahlı Qüvvələrin Ali Baş Komandanı İlham Əliyevin göstərişinə əsasən Fövqəladə Hallar Nazirliyi tərəfindən İranda zəlzələdən zərərçəkmiş insanlara göndərilən humanitar yardım tomat, zeytun, bitki yağı, müxtəlif şirələr, içməli su, düyü, makaron, 40 ton un, 460 ədəd çadır, 1000 ədəd yataq dəsti və digər zəruri ərzaq məhsullarından ibarətdir.

AzərTAc

Azərbaycan.- 2012.- 14 avqust.- S. 2.