Bahar MURADOVA: Dağlıq Qarabağ münaqişəsinin həlli ilə bağlı Minsk qrupunun əlində böyük imkanlar vardır

Ermənistan-Azərbaycan, Dağlıq Qarabağ münaqişəsinin həlli ilə bağlı ATƏT-in Minsk qrupunun əlində böyük imkanlar vardır. Amma təəssüf ki, onlar bu imkanlardan tam istifadə etmirlər.

Bu sözləri AzərTAc-a Milli Məclis Sədrinin müavini, ATƏT PA-da Azərbaycan nümayəndə heyətinin rəhbəri Bahar Muradova demişdir.

B.Muradova qeyd etmişdir ki, son vaxtlar Minsk qrupunun həmsədrləri münaqişənin həllindən daha çox, münaqişənin yenidən alovlanmasına yol verilməməsini vacib amil kimi ortaya qoyurlar. Dağlıq Qarabağ münaqişəsinin həlli istiqamətində yaranmış fəallıq da həmsədr dövlətlər arasında qısqanclıq yaratmamalıdır. Bu fəallıq müsbət nəticəyə hesablanmış proses olmalıdır. Məlumdur ki, Azərbaycanın artan iqtisadi və hərbi gücü ermənilərlə yanaşı, onları dəstəkləyən dairələri də ciddi narahat edir.

Azərbaycan.- 2012.- 16 avqust.- S. 3.