XXX London Yay Olimpiadasında tarix yazan idmançılarımız

Toğrul ƏSGƏROV

17.09.1992

İdman növü: sərbəst güləş

Çəkisi: 60 kq

İdman nailiyyətləri: Gənclər arasında Avropa çempionu (2010-cu il), dünya birinciliyinin qalibi (2011-ci il), böyüklər arasında dünya çempionatının gümüş mükafatçısı (2010-cu il), Avropa çempionu (2012-ci il).

London Olimpiadasına lisenziyanı Bolqarıstanın paytaxtı Sofiya şəhərində keçirilmiş Avropa təsnifat turnirində qazanmışdı. XXX Yay Olimpiya Oyunlarının qalibidir (2012-ci il).

Şərif ŞƏRİFOV

11.11.1988

İdman növü: sərbəst güləş

Çəkisi: 84 kq

İdman nailiyyətləri: 2009-cu ildə böyüklər arasında keçirilmiş dünya çempionatının bürünc mükafatçısı, Avropa çempionatlarının gümüş və bürünc mükafatçısı (2010-cu və 2011-ci illər), dünya çempionatında birinci yer (2011-ci il).

London Olimpiadasına lisenziyanı 2011-ci ildə Türkiyənin İstanbul şəhərində keçirilmiş dünya çempionatında qazanmışdı. XXX Yay Olimpiya Oyunlarının qalibidir (2012-ci il).

Rövşən BAYRAMOV

07.05.1987

İdman növü: yunan-Roma güləşi

Çəkisi: 55 kq

İdman nailiyyətləri: gənclər arasında dünya çempionatının qızıl və bürünc mükafatçısı (2003-cü və 2005-ci illər), böyüklər arasında iki dəfə Avropa çempionu (2007-ci və 2008-ci illər), Pekin Olimpiadasının gümüş mükafatçısı (2008-ci il), dünya çempionatında ikinci yer (2006-cı il), Avropa və dünya çempionatlarının bürünc mükafatçısı (2006-cı və 2009-cu illər), dünya çempionatında birinci yer (2011-ci il).

London Olimpiadasına lisenziyanı 2011-ci ildə Türkiyənin İstanbul şəhərində keçirilmiş dünya çempionatında qazanmışdı. XXX Yay Olimpiya Oyunlarının gümüş mükafatçısıdır (2012-ci il).

Mariya STADNİK

03.06.1988

İdman növü: qadın güləşi

Çəkisi: 48 kq

İdman nailiyyətləri: 2008-ci ildə gənclər və böyüklər arasında keçirilən Avropa çempionatında birinci yer, Pekin-2008-in üçüncüsü, Avropa və dünya çempionatının birincisi (2008-ci və 2009-cu illər), Yaşar Doğunun xatirəsinə keçirilən beynəlxalq turnirdə qızıl medal, dünya çempionatında gümüş medal (2011-ci il); FİLA test turnirinin birincisi.

London Olimpiadasına lisenziyanı 2011-ci ildə Türkiyənin İstanbul şəhərində keçirilmiş dünya çempionatında qazanmışdı. XXX Yay Olimpiya Oyunlarının gümüş mükafatçısıdır (2012-ci il).

Emin ƏHMƏDOV

10.06.1986

İdman növü: yunan-Roma güləşi

Çəkisi: 74 kq

İdman nailiyyətləri: "Qızıl Qran-pri" turnirinin bürünc mükafatçısı (2009-cu il).

London Olimpiadasına lisenziyanı Çinin Tayuan şəhərində keçirilmiş güləş üzrə dünya təsnifat turnirində qazanmışdı. XXX Yay Olimpiya Oyunlarının bürünc mükafatçısıdır (2012-ci il).

Teymur MƏMMƏDOV

11.01.1993

İdman növü: boks

Çəkisi: 91 kq

İdman nailiyyətləri: dünya çempionatının gümüş mükafatçısı, Avropa çempionu.

London Olimpiadasına lisenziyanı 2011-ci ildə Bakıda keçirilmiş dünya çempionatında qazanmışdı. XXX Yay Olimpiya Oyunlarının bürünc mükafatçısıdır (2012-ci il).

Valentin XRİSTOV

30.03.1994

İdman növü: ağırlıqqaldırma

Çəkisi: 56 kq

İdman nailiyyətləri: Fransanın paytaxtı Parisdə keçirilən kişilər və qadınlar arasında dünya çempionatında (2011-ci il) üçüncü yer, Türkiyənin Antalya şəhərində keçirilmiş Avropa çempionatında (2011-ci il) birinci yer, gənclər arasında Avropa, yeniyetmələr arasında dünya rekordçusu.

London Olimpiadasına vəsiqəni 2011-2012-ci illərdə Türkiyə və Fransada keçirilmiş lisenziya xarakterli yarışların yekunlarına əsasən əldə etmişdi. XXX Yay Olimpiya Oyunlarının bürünc mükafatçısıdır (2012-ci il).

Yuliya RATKEVİÇ

16.07.1985

İdman növü: qadın güləşi

Çəkisi: 55 kq

İdman nailiyyətləri: dünya çempionu (2009-cu il), dünya çempionatının gümüş mükafatçısı (2010-cu il), Avropa çempionu (2011-ci il).

London Olimpiadasına lisenziyanı Bolqarıstanın paytaxtı Sofiya şəhərində keçirilmiş Avropa təsnifat turnirində əldə etmişdi. XXX Yay Olimpiya Oyunlarının bürünc mükafatçısıdır (2012-ci il).

Məhəmmədrəsul MƏCİDOV

27.09.1986

İdman növü: boks

Çəkisi: +91 kq

İdman nailiyyətləri: dünya çempionu.

London Olimpiadasına lisenziyanı 2011-ci ildə Bakıda keçirilmiş dünya çempionatında qazanmışdı. XXX Yay Olimpiya Oyunlarının bürünc mükafatçısıdır (2012-ci il).

Xetaq QAZYUMOV

24.04.1983

İdman növü: sərbəst güləş

Çəkisi: 96 kq

İdman nailiyyətləri: Pekin Yay Olimpiya Oyunlarının bürünc mükafatçısı (2008-ci il), dünya çempionatının qızıl və gümüş mükafatçısı (2009-cu və 2010-cu illər), dünya kubokunun sahibi (2009-cu il), üçqat Avropa çempionu (2009-cu, 2010-cu və 2011-ci illər).

London Olimpiadasına lisenziyanı Çinin Tayuan şəhərində keçirilmiş dünya təsnifat turnirində qazanmışdır. XXX Yay Olimpiya Oyunlarının bürünc mükafatçısıdır (2012-ci il).

Azərbaycan.- 2012.- 17 avqust.- S. 4.