Çexiya-Azərbaycan parlamentlərarası dostluq qrupunun

rəhbəri Yan Hamaçekə «Azərbaycan Respublikası Prezidentinin

fəxri diplomu» təqdim edilmişdir

Xəbər verildiyi kimi, Azərbaycan Respublikasının Prezidenti İlham Əliyevin 2012-ci il 8 noyabr tarixli sərəncamına əsasən, Çexiya Respublikası Parlamentinin Deputatlar Palatasının Xarici əlaqələr komitəsi sədrinin müavini, Çexiya-Azərbaycan parlamentlərarası dostluq qrupunun rəhbəri Yan Hamaçek "Azərbaycan Respublikası Prezidentinin fəxri diplomu" ilə təltif olunmuşdur.

Mədəniyyət və Turizm Nazirliyinin mətbuat xidmətindən AzərTAc-a bildirmişlər ki Azərbaycan Respublikasının Çexiya Respublikasındakı səfiri Tahir Tağızadə dekabrın 17-də Praqa şəhərində fəxri diplomu Yan Hamaçekə təqdim etmişdir.

Yüksək mükafatın təltif olunması mərasimində Çexiyada səfərdə olan mədəniyyət və turizm nazirinin müavini Sevda Məmmədəliyeva da iştirak etmişdir.

Nazir müavini S.Məmmədəliyeva Y.Hamaçekə Azərbaycan Respublikası ilə Çexiya Respublikası arasında dostluq əlaqələrinin inkişafına verdiyi töhfələrə görə öz təşəkkürünü bildirmiş və onu "Azərbaycan Respublikası Prezidentinin fəxri diplomu"na layiq görülməyi münasibətilə ürəkdən təbrik etmişdir.

Azərbaycan.-2012.- 19 dekabr.- S.2.