Azərbaycan UNESCO-nun silahlı münaqişələr zamanı mədəni

mülkiyyətin qorunması üzrə Komitəsinin

vitse-prezidenti seçilmişdir

Azərbaycan UNESCO-nun silahlı münaqişələr zamanı mədəni mülkiyyətin qorunması üzrə Komitəsinin vitse-prezidenti seçilmişdir.

Xarici İşlər Nazirliyinin mətbuat xidmətindən bildirmişlər ki, dekabrın 20-də UNESCO-nun Parisdəki baş qərargahında təşkilatın silahlı münaqişələr zamanı mədəni mülkiyyətin qorunması üzrə Komitəsinin yeddinci sessiyası keçirilmişdir. Sessiyada Komitə sədri, üç vitse-prezident və məruzəçi, eləcə də Komitə bürosuna yeni üzvlər seçilmişdir.

Komitənin sədri vəzifəsinə Belçika, vitse-prezidentlər isə Azərbaycan, Xorvatiya və Salvador seçilmişlər. Xorvatiya, eyni zamanda, məruzəçi də seçilmişdir. Azərbaycanın UNESCO-nun bu vacib Komitəsinə vitse-prezident seçilməsi silahlı münaqişələr zamanı, eləcə də işğal edilmiş ərazilərdə mədəni mülkiyyətin qorunması məsələlərində ölkəmizin göstərdiyi səylərin nəticəsidir.

AzərTAc

Azərbaycan.-2012.- 21 dekabr.- S.5.