Latviya Dövlət Arxivində Azərbaycan nümayəndə heyətinin 1921-ci il tarixli məktubu aşkar edilmişdir

Azərbaycan Respublikasının Latviyadakı səfirliyindən AzərTAc-ın müxbirinə bildirmişlər ki, Latviya Dövlət Arxivində Ə.M.Topçubaşovun imzası ilə Parisdəki Latviya nümayəndə heyətinə ünvanlanmış 1921-ci il tarixli məktub aşkar edilmişdir. Sənəddə Topçubaşov Latviya Respublikasının Müttəfiq Dövlətlərin Ali Şurası tərəfindən de-yure tanınması münasibətilə Latviya nümayəndə heyətini, habelə prezidentini Parisdə başçılıq etdiyi nümayəndə heyəti adından təbrik edir. Məktubda Latviya xalqına ən xoş arzular ifadə olunur.

Nigar HÜSEYNOVA,

AzərTAc-ın xüsusi müxbiri

Riqa

Azərbaycan.- 2012.- 1 fevral.- S. 6.