Jan-Pol Karteron: Azərbaycan beynəlxalq əməkdaşlıqda get-gedə daha böyük rol oynayacaqdır

Azərbaycan çox qısa bir müddətdə "Cənub-Cənub əməkdaşlığı"nın mərkəzinə çevrilmişdir. Yəni o dünyanın gələcəyini təşkil edən ölkələrin sırasına daxil olmuşdur. Cənub-Şimal əməkdaşlığı artıq tükənmişdir. Çünki şimal ölkələri cənub ölkələrindən çox sui-istifadə etmişlər. Bu gün cənub ölkələrinin geniş potensialı vardır. Onlar artıq çox güclüdürlər.

Bu sözləri AzərTAc-a məxsusi müsahibəsində Krans Montana Forumunun təsisçisi və prezidenti, səfir Jan Pol Karteron demişdir.

Məncə, bu gün cənub ölkələri elə bir əməkdaşlıq qura bilərlər ki, bu, onlara layiqincə inkişaf etməyə imkan verər, - deyən Jan Pol Karteron burada xüsusilə Azərbaycanın rolunun böyük olduğunu vurğulamışdır. Krans Montana forumunun təsisçisi demişdir: "Biz bunun Prezident İlham Əliyevin simasında təsdiqini gördük. Azərbaycan dövlətinin başçısı forumun açılış mərasimindəki nitqi ilə də bunu tam təsdiq etmişdir. Prezident İlham Əliyev mövcud vəziyyəti bir çox ölkələrin rəhbərlərində olmayan böyük məharətlə izah etmişdir. Azərbaycan Prezidenti çox səriştəli rəhbərdir. Mənim dediklərim kompliment deyil, bu, həqiqətdir. Prezident İlham Əliyevin və birinci xanım Mehriban Əliyevanın ölkənin inkişafı naminə gördükləri işlər və bunun sayəsində əldə olunmuş nailiyyətlər yalnız onu deməyə əsas verir ki, Azərbaycan beynəlxalq əməkdaşlıqda get-gedə daha böyük rol oynayacaqdır.

Azərbaycan.- 2012.- 1 iyul.- S. 7.