Krans Montana Forumunun təşkilatçılığı çox yüksək səviyyədədir

Krans Montana Forumunun təşkilatçılığı çox yüksək səviyyədədir.

AzərTAc xəbər verir ki, bu sözləri Bakıda keçirilən Krans Montana Forumunun iştirakçısı, Kot Divuarın Rusiyadakı səfiri Bernard Tano Butşue demişdir.

Səfir bildirmişdir ki, forumda iştirak etmək və buradakı yüksək səviyyəli qonaqları görməkdən çox məmnundur. O demişdir: "Forumda bu qədər nüfuzlu şəxslərin iştirak etməsi tədbirin əhəmiyyətini nümayiş etdirir. Bakı çox gözəl şəhərdir. Bu münasibətlə sizi təbrik edirəm. Forumun açılış mərasimində Prezident İlham Əliyev çox dərin və məzmunlu nitqində Azərbaycanın inkişafı barədə danışmışdır. Azərbaycanın belə sürətlə inkişafı yalnız sizin üçün deyil, bütövlükdə region üçün də çox önəmlidir".

Azərbaycan.- 2012.- 1 iyul.- S. 7.