İqtisadi Əməkdaşlıq Təşkilatının (İƏT) Baş katibi Azərbaycanın qurumda fəaliyyətini yüksək qiymətləndirmişdir

İyulun 16-da Azərbaycanın xarici işlər naziri Elmar Məmmədyarov İqtisadi Əməkdaşlıq Təşkilatının (İƏT) Baş katibi Yəhya Marufi ilə fəaliyyətinin başa çatması ilə əlaqədar görüşmüşdür.

Xarici İşlər Nazirliyindən AzərTAc-a bildirmişlər ki, görüşdə E.Məmmədyarov Y.Marufini Azərbaycanda salamlamış və Baş katib kimi fəaliyyəti dövründə İƏT ilə Azərbaycan arasında münasibətlərə verdiyi töhfəyə görə minnətdarlığını bildirmişdir.

Y.Marufi Baş katib kimi gördüyü işlər barədə qısa məlumat vermiş və Azərbaycanın İƏT-də fəaliyyətini yüksək qiymətləndirmişdir.

Görüşdə həmçinin Azərbaycan ilə İƏT arasında əməkdaşlığın inkişaf perspektivləri müzakirə edilmişdir.

Azərbaycan.- 2012.- 17 iyul.- S. 4.