Konstitusiya Məhkəməsi Palatasının növbəti iclasları olmuşdur

Azərbaycan Respublikası Konstitusiya Məhkəməsi Palatasının növbəti iclasları olmuşdur.

Konstitusiya Məhkəməsinin mətbuat xidmətindən AzərTAc-a bildirmişlər ki, iclaslarda Azərbaycan Respublikası Konstitusiyasının 130-cu maddəsinin VI hissəsinə və "Konstitusiya Məhkəməsi haqqında" Qanunun 7.1-ci maddəsinə əsasən 1 saylı Bakı İnzibati-İqtisad Məhkəməsinin müraciətinə baxılaraq icraata qəbul edilməsi haqqında qərardad çıxarılmışdır.

İclasda habelə vətəndaşlar Əfruz Ağa-Rəşid qızı Əfəndiyevanın və Natavan Cahid qızı Kərimovanın şikayətləri müzakirə olunaraq icraata qəbul edilməsi haqqında qərardad çıxarılmışdır.

Müraciətə mahiyyəti üzrə, tərəflərin iştirakı ilə Konstitusiya Məhkəməsi Plenumunun iyulun 27-nə, şikayətlərə isə sentyabrın 6-na təyin edilmiş iclaslarında baxılacaqdır.

Azərbaycan.- 2012.- 17 iyul.- S. 4.