Bakıda Şərqi Avropa və Mərkəzi Asiyanın milli standartlaşdırma orqanlarının icraçı direktorlarının forumu keçirilir

Bakıda Beynəlxalq Standartlaşdırma Təşkilatı (İSO) və Azərbaycan Respublikasının Standartlaşdırma, Metrologiya və Patent üzrə Dövlət Komitəsinin təşkilatçılığı ilə Şərqi Avropa və Mərkəzi Asiyanın milli standartlaşdırma orqanlarının icraçı direktorlarının forumu işə başlamışdır.

Tədbirdə Azərbaycan, Xorvatiya, Belarus, Albaniya, Latviya, Litva, Qazaxıstan, Gürcüstan və başqa ölkələrin texniki tənzimləmə və standartlaşdırma sahəsi üzrə milli orqanlarının rəhbər şəxsləri iştirak edirlər.

Tədbirin məqsədi Şərqi Avropa və Mərkəzi Asiya ölkələrində texniki tənzimləmə, standartlaşdırma və uyğunluğun qiymətləndirilməsi sahələrinin beynəlxalq tələblər səviyyəsində inkişafını öyrənmək, keyfiyyət infrastrukturunun yaradılması və inkişafı istiqamətində milli standartlaşdırma qurumlarının rolunu vurğulamaqdır.

Azərbaycan.- 2012.- 19 iyun.- S. 5.