Azərbaycanın və Fələstinin milli informasiya agentlikləri arasında əməkdaşlıq əlaqələrinin qurulması məsələləri müzakirə olunmuşdur

Fələstinin Azərbaycandakı səfiri Nasir Əbdülkərim Əbdürrəhman fevralın 29-da Azərbaycan Dövlət Teleqraf Agentliyinin (AzərTAc-ın) baş direktoru Aslan Aslanov ilə görüşmüşdür.

Görüşdə müasir dünyada ölkələr və xalqlar arasında münasibətlərin inkişaf etdirilməsində informasiyanın rolundan danışılmış, Azərbaycan Dövlət Teleqraf Agentliyi ilə Fələstinin WAFA Xəbərlər Agentliyi arasında əməkdaşlıq əlaqələrinin qurulması məsələləri müzakirə olunmuşdur.

Anlaşma Memorandumunun bu ilin oktyabrında Bakıda keçiriləcək II Beynəlxalq Humanitar Forum çərçivəsində imzalanması təklif olunmuşdur. Həmçinin görüşdə Azərbaycan və Fələstin xalqları arasındakı tarixi, mədəni əlaqələrdən söhbət açılmışdır.

Azərbaycan.- 2012.- 1 mart.- S. 7.