Azərbaycan ABŞ ilə həm çətin, həm də yaxşı gündə onunla birlikdə olan azsaylı dövlətlərdəndir

Çak ŞUMERS,

ABŞ Senatının üzvü

- Bu gün biz ABŞ ilə Azərbaycan arasında diplomatik əlaqələrin qurulmasının 20 illiyini qeyd edirik. Keçilmiş yola nəzər salanda çox işlərin görüldüyünün şahidi oluruq.

Azərbaycanın ABŞ-dakı sabiq səfiri Hafiz Paşayevlə söhbət edərkən o, mənə xatırlatdı ki, Kapitolidə ilk görüşdüyü adam mən idim. O zaman mən mühüm adam deyildim, konqresmen idim. Lakin o, gəlib mənimlə söhbət etmişdi. Mən bunu yüksək qiymətləndirdim. O vaxtdan bəri biz onunla möhkəm dostluq münasibətləri qurmuşuq.

Azərbaycan və ABŞ bir-birlərinə yaxındırlar. Biz Azərbaycan xalqı ilə möhkəm dostluq qurmuşuq. Sizin bizimlə İraq, Kosovo və Əfqanıstanda çiyin-çiyinə döyüşdüyünüzü heç vaxt unutmuruq. Azərbaycan ABŞ ilə həm çətin, həm də yaxşı gündə onunla birlikdə olan azsaylı dövlətlərdəndir. Biz bunu heç vaxt unutmamalıyıq.

Hamımız terrorla mübarizənin əhəmiyyətini başa düşürük. Hamımız azadlıq bəxş etməyin nə qədər vacib olduğunu bilirik. Diplomatik münasibətlərimiz 20 il əvvəl qurulmuşdur. Arzu edirəm ki, bunlar davam edərək uzunmüddətli olsun.

Bu gün biz iki böyük demokratik ölkə - Birləşmiş Ştatlar və Azərbaycan arasında diplomatik münasibətlərin tarixini bayram edirik. Azərbaycan ilə uğurlu münasibətlərimizin davamlı və sarsılmaz olacağına ümid edirəm.

Azərbaycan.- 2012.- 17 may.- S. 4.