Ulu öndər İstanbulda anıldı

Türkiyənin və türk millətinin ulu öndər Heydər Əliyevə rəğbət və məhəbbəti böyükdür. Bu il də qardaş ölkənin müxtəlif şəhərlərində Türk dünyasının böyük oğlu Heydər Əliyevin ad günündə əziz xatirəsi bir daha şükranlıqla anıldı.

Mayın 10-da Azərbaycanın İstanbuldakı Baş konsulluğu və Mərmərə Qrupu Stateji və Sosial Araşdırma Vəqfinin heyəti ulu öndərin anadan olmasının 89-cu ildönümünü qeyd etmək üçün bir arada idilər. Əvvəlcə Heydər Əliyevin Fulyadakı büstü ziyarət edildi. Tədbir çox izdihamlı keçdi. Növbəti görüş yeri Sarıyer səmtində ulu öndərin adını daşıyan park oldu. Heydər Əliyevin möhtəşəm abidəsinin ətrafına toplaşan insanlar baş konsul Həsən Zeynalov və Mərmərə vəqfinin sədri dr.Akkan Suverin ulu öndərlə bağlı xatirələrini dinlədilər, onun Azərbaycan - Türkiyə münasibətlərinin inkişafına verdiyi töhfə və xidmətləri məmnunluqla yad etdilər.

Azərbaycan.- 2012.- 12 may.- S. 11.