“Eurovision” mahnı müsabiqəsinin ilk qalibi Lis Asia “Eurovision” Mərkəzində olmuşdur

Xəbər verdiyimiz kimi, 1956-cı ildə keçirilmiş ilk "Eurovision" mahnı müsabiqəsində təmsil etdiyi İsveçrəyə qalibiyyət qazandırmış Lis Asia 57-ci yarışmanın yarımfinal və final şoularını izləmək üçün Bakıya gəlmişdir.

"Eurovision" mahnı müsabiqəsinin ilk qalibi "Eurovision" Mərkəzində olmuşdur. AzərTAc eurovision.az saytına istinadla xəbər verir ki, isveçrəli qonaq mərkəzdə yarışmanın 57 illik tarixini və Azərbaycanın "Eurovision" səhnəsindəki qələbəsini əks etdirən ekspozisiyanı maraqla izləmişdir. Görkəmli müğənni həmçinin burada açılmış Azərbaycan milli musiqi alətlərinin sərgisinə tamaşa etmişdir.

Daha sonra mayın 24-də "Atəşgah" Məbədi Dövlət Tarix-Memarlıq Qoruğunda olan Lis Asia "Light your fire!" şüarının ölkəmizə çox yaraşdığını demişdir. Xanım müğənni mayın 26-da "Baku Crystall Hall"da böyük maraqla izləyəcəyi final şousu ərəfəsində bütün "Eurovision" fanatlarına buradan builki müsabiqənin əsas şüarı ilə səslənmişdir.

Azərbaycan.- 2012.- 26 may.- S. 12.