Qazaxıstanın turkelpress.com internet qəzetində AzərTAc-ın materialları yerləşdirilmişdir

Qazaxıstanın turkelpress.com elektron qəzeti İqtisadi Əməkdaşlıq Təşkilatının Bakıda keçirilmiş XII zirvə toplantısı ilə bağlı Azərbaycan Dövlət Teleqraf Agentliyinin (AzərTAc-ın) rus dilində materialını yerləşdirmişdir.

Elektron qəzet, həmçinin AzərTAc-ın baş direktoru Aslan Aslanovun "Dövlətin paytaxtından dünyanın humanitar paytaxtına doğru. İkinci Bakı Beynəlxalq Humanitar Forumuna sözardı" sərlövhəli məqaləsini də rus dilində öz saytında yerləşdirmişdir.

Bundan əvvəl həmin qəzetdə AzərTAc-ın "Bakıda İkinci Beynəlxalq Humanitar Forumu keçirilmişdir. Azərbaycan Prezidenti İlham Əliyev Forumun açılış mərasimində və plenar iclasında iştirak etmişdir", "Azərbaycan Prezidenti İlham Əliyevin sədrliyi ilə Nazirlər Kabinetinin 2012-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclası keçirilmişdir" sərlövhəli geniş materialları, eləcə də Özbəkistan Prezidenti İslam Kərimovun Azərbaycana rəsmi səfəri ilə bağlı yazıları da yerləşdirilmişdir.

Qulu KƏNGƏRLİ,

AzərTAc-ın xüsusi müxbiri

Almatı

Azərbaycan.-2012.- 1 noyabr.- S.3.