YAP-ın 20 illiyinə həsr olunmuş ümumrayon iməciliyi keçirilmişdir

Hazırda respublikanın bütün bölgələrində Yeni Azərbaycan Partiyasının 20-ci ildönümü ilə bağlı silsilə tədbirlər keçirilir. 6 minə yaxın üzvü olan YAP Astara rayon təşkilatı da bu tədbirlərdə fəal iştirak edir.

Yeni Azərbaycan Partiyasının 20 illiyinə həsr olunmuş ümumrayon iməciliyində Azərbaycan Respublikasının Prezidenti, Yeni Azərbaycan Partiyasının sədri İlham Əliyevin sərəncamı ilə ayrılmış vəsait hesabına yenidən qurulan Astara-Bala Şahağac magistral yolunun ətrafında yaşıllıq salınmış, ağac əkini keçirilmişdir. Bununla əlaqədar rayonun bütün idarə, müəssisə və təşkilatları iməcilikdə fəal iştirak etmişlər. Qısa müddət ərzində Astara-Bala Şahağac magistral avtomobil yolunun 2000 metr məsafəsində 3 mindən çox ağac əkilmişdir. Əkin zamanı yerli şəraitdə yetişdirilən palıd və digər ağac növlərinə üstünlük verilmişdir.

S.CAVADOV

Azərbaycan.-2012.- 16 noyabr.- S.9.