Azərbaycan Respublikası Nazirlər Kabinetinin 2000-ci il 11 sentyabr tarixli 166 nömrəli qərarı ilə təsdiq edilmiş "Coğrafi göstəricini qeydə almaq üçün iddia sənədinin verilməsi və ekspertizası Qaydaları"nda dəyişikliklər edilməsi haqqında

Azərbaycan Respublikasının Nazirlər Kabineti qərar

№ 271 Bakı şəhəri, 19 noyabr 2012-ci il

"Dövlət rüsumu haqqında" Azərbaycan Respublikasının Qanununda dəyişikliklər edilməsi barədə" Azərbaycan Respublikasının 2012-ci il 29 may tarixli 374-IVQD nömrəli qanununun tətbiqi haqqında" Azərbaycan Respublikası Prezidentinin 2012-ci il 6 iyul tarixli 2329 nömrəli sərəncamının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

1. Azərbaycan Respublikası Nazirlər Kabinetinin 2000-ci il 11 sentyabr tarixli 166 nömrəli qərarı (Azərbaycan Respublikasının Qanunvericilik Toplusu, 2000, № 9, maddə 692; 2002, № 3, maddə 148; 2004, № 3, maddə 193; 2009, № 1, maddə 32, № 9, maddə 752) ilə təsdiq edilmiş "Coğrafi göstəricini qeydə almaq üçün iddia sənədinin verilməsi və ekspertizası Qaydaları"nda aşağıdakı dəyişikliklər edilsin:

1.1. II fəsil üzrə:

1.1.1. 2-ci hissənin on birinci abzasında "dövlət rüsumunun" sözləri "müəyyən edilmiş haqqın" sözləri ilə əvəz edilsin;

1.1.2. 3-cü hissənin dördüncü abzasının ikinci cümləsində "Əlavə dövlət rüsumu" sözləri "Müəyyən edilmiş haqq" sözləri ilə əvəz edilsin;

1.2. III fəsil üzrə:

1.2.1. 3.2-ci bəndin ikinci, üçüncü və dördüncü abzaslarında ismin müvafiq hallarında "rüsum" sözü ismin müvafiq hallarında "haqq" sözü ilə əvəz edilsin;

1.2.2. 6.1-ci və 6.4-cü bəndlərdə "rüsum" sözü "haqq" sözü ilə əvəz edilsin;

1.3. IV fəsil üzrə:

1.3.1. 2.1.1-ci yarımbəndin "ə)" yarımbəndində "dövlət rüsumunun" sözləri "müəyyən edilmiş haqqın" sözləri ilə əvəz edilsin;

1.3.2. 2.2.1-ci yarımbəndin ikinci abzasında "dövlət rüsumunu" sözləri "haqqı" sözü ilə əvəz edilsin;

1.3.3. 2.2.2-ci yarımbəndin üçüncü abzasında "rüsumun" sözü "haqqın" sözü ilə əvəz edilsin.

Artur Rasi-zadə,

Azərbaycan Respublikasının Baş naziri

Azərbaycan.-2012.- 21 noyabr.- S.3.