Azərbaycanın Baş naziri Bolqarıstan parlamentinin Sədri ilə görüşmüşdür

Noyabrın 27-də Azərbaycan Respublikasının Baş naziri Artur Rasizadə ölkəmizdə səfərdə olan Bolqarıstan parlamentinin Sədri xanım Tsetska Tsaçevanın başçılıq etdiyi nümayəndə heyəti ilə görüşmüşdür.

Ölkələrimiz arasında münasibətlərin inkişafından məmnunluğunu ifadə edən Baş nazir siyasi sahədə qarşılıqlı fəaliyyətin yaxşı səviyyədə olduğunu demiş, iqtisadi əlaqələrin də genişləndirilməsinin vacibliyini vurğulamışdır. Baş nazir Artur Rasizadə səfərin qarşılıqlı iqtisadi perspektivlərə töhfə verəcəyinə əminliyini bildirmişdir.

Bolqarıstan parlamentinin Sədri xanım Tsetska Tsaçeva Azərbaycana səfərindən və ölkəmizlə yaxından tanış olmaq imkanından məmnunluğunu söyləmişdir. O, burada keçirdiyi görüşlərin məhsuldar olduğunu vurğulamış, yeni əməkdaşlığın genişlənməsinə əminliyini ifadə etmişdir.

Görüşdə qarşılıqlı maraq doğuran məsələlər ətrafında fikir mübadiləsi aparılmışdır.

AzərTAc

Azərbaycan.-2012.- 28 noyabr.- S.2.