«İctimai televiziya və radio yayımı haqqında» Azərbaycan Respublikasının Qanununda dəyişikliklər edilməsi barədə

Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 10-cu bəndini rəhbər tutaraq qərara alır:

"İctimai televiziya və radio yayımı haqqında" Azərbaycan Respublikasının Qanununda (Azərbaycan Respublikasının Qanunvericilik Toplusu, 2004, № 11, maddə 888; 2006, № 3, maddə 224, № 12, maddə 1005; 2007, № 5, maddələr 435, 442, № 12, maddə 1218; 2009, № 10, maddə 772; 2011, № 2, maddə 70) aşağıdakı dəyişikliklər edilsin:

1. 4.4-cü maddə aşağıdakı redaksiyada verilsin:

"4.4. İctimai yayımçının əmlakı bu qanunda nəzərdə tutulmuş hallarda satıla bilər.".

2. 4.5-ci maddədə "yalnız yeniləşdirilmək və genişləndirilmək" sözləri "yeniləşdirilmək" sözü ilə əvəz edilsin.

3. 8.1-ci maddədən "baş redaktorlar," sözləri çıxarılsın.

4. 13.5-ci maddədə:

4.1. "seriallarının," sözü çıxarılsın, "çevrilərək" sözündən sonra "və (və ya) Azərbaycan dilində subtitrlə müşayiət edilərək" sözləri əlavə edilsin;

4.2. aşağıdakı məzmunda ikinci cümlə əlavə edilsin:

"Azərbaycan dilinə çevrilmədən Azərbaycan dilində subtitrlə müşayiət edilərək yayımlanan həmin verilişlərin həcmi müvafiq dövlət orqanı tərəfindən müəyyən edilir.".

5. 20.1.9-cu maddədən ", texniki avadanlıqların və yayımın keyfiyyət standartlarını müəyyənləşdirir" sözləri çıxarılsın.

6. 20.3.2-ci maddədən "əldə olunması və" sözləri çıxarılsın.

7. Aşağıdakı məzmunda 21.2.4-1-ci maddə əlavə edilsin:

"21.2.4-1. texniki avadanlıqların və yayımın keyfiyyət standartlarını müəyyən edir;".

8. Aşağıdakı məzmunda 21.8.3-1-ci maddə əlavə edilsin:

"21.8.3-1. texniki avadanlıqların və yayımın keyfiyyət standartlarını;".

9. 23.1.1-ci maddədə "daxilolmalar" sözündən sonra "və dövlət büdcəsindən ayırmalar" sözləri əlavə edilsin.

10. 23.3-cü maddədən "ictimai yayımçının perspektivli inkişafı üçün" sözləri çıxarılsın.

İlham ƏLİYEV,

Azərbaycan Respublikasının Prezidenti

Bakı şəhəri, 29 iyun 2012-ci il

Azərbaycan.-2012.- 8 sentyabr.- S. 4.