Bakıda «COMMONIST» müasir incəsənət sərgisi açılmışdır

 

 Azərbaycanın birinci xanımı Mehriban Əliyeva açılış mərasimində iştirak etmişdir

 

 Sentyabrın 21-də "YARAT!" Müasir İncəsənət Məkanında "COMMONIST" layihəsi çərçivəsində multikulturalizm mövzusuna həsr olunmuş sərgi açılmışdır.

Azərbaycanın birinci xanımı Mehriban Əliyeva Heydər Əliyev Fondunun vitse-prezidenti Leyla Əliyeva açılış mərasimində iştirak etmişlər.

AzərTAc xəbər verir ki, sərgidə həyəcanlandırıcı mövzuya tamamilə müxtəlif baxışlarını əks etdirən 19 rəssamın işi nümayiş olunur. Layihənin "COMMONIST" adı hər hansı siyasidən çox, daha geniş, universal mənaya çağırışdır. "COMMONIST" sağ ya sol baxışlara malik vətəndaş deyil, insan birgə yaşayışının dəyişən qaydaları ilə barışmaq məcburiyyətində olan vətəndaşdır. O, öz mülahizələrində ümumbəşəri dəyərləri rəhbər tutur.

Multikulturalizm yeni çox sürətlə inkişaf edən hadisə kimi açıq həyəcandan inadkar imtinadan tutmuş utancaq ümidə qədər son dərəcə ziddiyyətli reaksiyaya səbəb olur.

Multikulturalizmə siyasətçilər, sosioloqlar, filosoflar yazıçılar tərəfindən yüzlərlə təriflər verilmişdir. "YARAT!" Müasir İncəsənət Məkanı hər kəsə təsir edən böyük birmənalı olmayan fenomenin bədii interpretasiyasını təqdim edir. Müəlliflərin hər biri multikulturalizmə öz şəxsi tərifini - bəzən müsbət ya mənfi, lakin əksər halda böyük sual işarəsini təklif edirlər.

Tədbirdə "YARAT!"  qeyri-kommersiya təşkilatının təsisçisi Aida Mahmudova çıxış edərək layihə barədə məlumat vermişdir. O, Azərbaycanın müasir incəsənətinin gözəl gələcəyinə inamını ifadə etmişdir. Aida Mahmudova sərginin Sitarə İbrahimova İsfar Sarabskinin birgə hazırladıqları "Hüdud" video musiqi performansı ilə açıldığını nəzərə çatdırmışdır.

Sərgi ilə yaxından tanış olan Mehriban xanım Əliyevaya buradakı bənzərsiz sənət nümunələri haqqında ətraflı məlumat verilmişdir. Layihənin iştirakçıları həm gənclər, həm artıq tanınmış rəssamlardan ibarətdir: Afət Bağırova, Aida Mahmudova, Əli Həsənov, Cemma Səttar, Faiq Əhməd, Fəxriyyə Məmmədova, Fərid Rəsulov, İlkin Hüseynov, Leyla Əliyeva, Mahmud Rüstəmov, Məmməd Rəşidov, Niyaz Nəcəfov, Orxan Hüseynov, Pərviz Cəfərov, Rəşad Babayev, Sitarə İbrahimova, Tərlan Qorçu, Vüsal Rəhim.

2011-ci ildə Aida Mahmudova tərəfindən əsası qoyulmuş "YARAT!" müasir Azərbaycan incəsənətinin təbliği inkişafı ilə məşğuldur. "YARAT!"ın qarşısına qoyduğu məqsəd tapşırıqlar həm rəssamlığa yenicə başlayan, həm formalaşmış rəssamlar üçün professional yaradıcılıq platformasının yaradılmasından ibarətdir.

Azərbaycanın dövlət hökumət nümayəndələrinin, tanınmış sənət adamlarının, ziyalıların iştirak etdiyi sərgi böyük maraq doğurmuşdur.

Sonda bütün tədbir iştirakçılarına minnətdarlığını bildirən "YARAT!" qeyri-kommersiya təşkilatının təsisçisi Aida Mahmudova üzərində rəhbərlik etdiyi təşkilatın adı yazılmış tortu kəsmişdir.

Sərgi oktyabrın 22-dək davam edəcəkdir.

 

 

Azərbaycan.-2012.- 22 sentyabr.- S. 5.