Ankaranın Etimesqut rayonunda türkdilli ölkələrin bayraqları ilə həmrəylik yürüşü olmuşdur

Ankaranın Etimesqut rayonunda keçirilmiş IX Anadolu mədəniyyət və sənət festivalı çərçivəsində TÜRKSOY, Azərbaycan və digər ölkələrin səfirliklərinin iştirakı ilə türkdilli dövlətlərin bayraqları ilə həmrəylik yürüşü olmuşdur.

Mərkəzi meydanda keçirilmiş həmrəylik yürüşündən sonra türk dünyası xalqlarının və Anadolunun müxtəlif vilayətlərinin təmsilçilərinin iştirak etdiyi festival davam etmişdir. Festival meydanında Azərbaycan guşəsi də açılmış, buraya gələn ankaralılar eksponatlarla tanış olmuşlar. Onlara TÜRKSOY-un Azərbaycanın milli mədəni sərvətləri və böyük inkişafından bəhs edən jurnalın xüsusi buraxılışının nüsxələri də təqdim olunmuşdur.

TÜRKSOY gecəsində Azərbaycan mahnıları səslənmiş, milli rəqslərimiz ifa olunmuşdur. Türkiyənin millət vəkilləri, siyasi partiyaların təmsilçiləri və türkdilli ölkələrdən gəlmiş qonaqlar festivalda iştirak etmişlər.

Oqtay BAYRAMOV,

AzərTAc-ın xüsusi müxbiri

Azərbaycan.-2012.- 26 sentyabr.- S.7.