«Azərbaycanda media mühiti: mövcud durum və yeni çağırışlar» mövzusunda beynəlxalq konfrans başa çatmışdır

Avropa İttifaqının (Aİ) Bakıdakı nümayəndəliyinin dəstəyi ilə "Etik jurnalistika təşəbbüsləri - Azərbaycan" layihəsi çərçivəsində keçirilən "Azərbaycanda media mühiti: mövcud durum və yeni çağırışlar" mövzusunda beynəlxalq konfrans sentyabrın 26-da işini bölmə iclaslarında davam etdirmişdir.

"Demokratik medianın inkişaf etdirilməsində jurnalist ittifaqlarının rolu" mövzusunda bölmə iclasında Böyük Britaniya Milli Jurnalistlər Birliyinin eksperti Arjum Vajidin "Etik media mühitinin inkişafında jurnalist ittifaqlarının rolu" mövzusunda məruzəsi dinlənilərək müzakirə edilmişdir.

"Media islahatları üçün manifest" bölməsində Azərbaycan Mətbuat Şurasının sədri Əflatun Amaşov "Azərbaycan mediasında islahatlar üçün manifest" layihəsinin ilkin variantını təqdim etmişdir.

Layihə müzakirələrdən sonra qəbul olunmuşdur.

Bildirilmişdir ki, manifestin layihəsi müzakirə edilmək üçün ölkənin media orqanlarına göndəriləcək və onların təklifləri nəzərə alınacaqdır. Bununla da konfrans öz işini başa çatdırmışdır.

AzərTAc

Azərbaycan.-2012.- 27 sentyabr.- S.3.