Azərbaycan Respublikasının Nazirlər Kabineti qərar

№ 216 şəhəri, 28 sentyabr 2012-ci il

"Dövlət müəssisə və təşkilatlarının, habelə nizamnamə kapitalında dövlətin payı olan müəssisələrin balansında olan yararsız hala düşmüş əsas vəsaitlərin ilinməsi və bu vəsaitlərin söküntüsündən əldə edilən material qiymətlilərinin satışı üzrə Qaydalar"ın təsdiq edilməsi haqqında" Azərbaycan Respublikası Nazirlər Kabinetinin 2004-cü il 6 noyabr tarixli 177 nömrəli Qərarında əyişikliklər edilməsi barədə

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq Azərbaycan Respublikasının Nazirlər Kabineti qərara alır:

1. "Dövlət müəssisə və təşkilatlarının, habelə nizamnamə kapitalında dövlətin payı olan müəssisələrin balansında olan yararsız hala düşmüş əsas vəsaitlərin silinməsi və bu vəsaitlərin söküntüsündən əldə edilən material qiymətlilərinin satışı üzrə Qaydalar"ın təsdiq edilməsi haqqında" Azərbaycan Respublikası Nazirlər Kabinetinin 2004-cü il 6 noyabr tarixli 177 nömrəli Qərarında (Azərbaycan Respublikasının Qanunvericilik Toplusu, 2004, № 11, maddə 965; 2005, № 11, maddə 1076; 2006, № 1, maddə 59; 2009, № 4, maddə 290, № 10, maddə 846) aşağıdakı dəyişikliklər edilsin:

1.1. adında və 1-ci hissəsində "əsas vəsaitlərin" sözləri

", həmçinin oğurlanmış və ya naməlum şəraitdə itmiş əsas vəsaitlərin (fondların)" sözləri ilə əvəz edilsin;

1.2. həmin qərarla təsdiq edilmiş "Dövlət müəssisə və təşkilatlarının, habelə nizamnamə kapitalında dövlətin payı olan müəssisələrin balansında olan yararsız hala düşmüş əsas vəsaitlərin silinməsi və bu vəsaitlərin söküntüsündən əldə edilən material qiymətlilərinin satışı üzrə Qaydalar" üzrə:

1.2.1. adında "əsas vəsaitlərin" sözləri ", həmçinin oğurlanmış və ya naməlum şəraitdə itmiş əsas vəsaitlərin (fondların)" sözləri ilə əvəz edilsin;

1.2.2. 1.2-ci bəndə "balansında olan" sözlərindən sonra "oğurlanmış, naməlum şəraitdə itmiş və yararsız hala düşmüş" sözləri əlavə edilsin və həmin bənddə "habelə bu vəsaitlərin" sözləri "habelə yararsız hala düşmüş vəsaitlərin" sözləri ilə əvəz edilsin;

1.2.3. 2.1-ci bəndə (ikinci halda) "(fondlar)," sözündən sonra "habelə oğurlanmış və ya naməlum şəraitdə itmiş əsas vəsaitlər (fondlar)" sözləri əlavə edilsin;

1.2.4. 2.3-cü bəndə aşağıdakı məzmunda yeddinci abzas əlavə edilsin:

"oğurlanmış və ya naməlum şəraitdə itmiş əmlaklar üzrə təşkilatın mühasibat uçotu sənədləri, o cümlədən əmlakın inventarizasiyasına dair sənədlər, texniki pasport, əsas vəsaitin (fondun) oğurlanması və ya naməlum şəraitdə itməsi ilə bağlı Azərbaycan Respublikası Daxili İşlər Nazirliyinin, nəqliyyat vasitələri üzrə isə əlavə olaraq Baş Dövlət Yol Polisi İdarəsinin təsdiqedici sənədi və inventarizasiya komissiyasının rəyi əsasında əmlakın (qiymətlilərin) uçotdan çıxarılması aktını tərtib etmək (aktın nümunəvi forması Qaydaların 3 nömrəli əlavəsində verilir).";

1.2.5. Qaydaların mətninə və həmin Qaydaların 1 və 2 nömrəli əlavələrinə ismin müvafiq hallarında "əsas vəsaitlər" sözlərindən sonra ismin müvafiq hallarında "(fondlar)" sözü əlavə edilsin;

1.2.6. 2.4-cü bənddən "əsas vəsait obyektlərinin" sözləri çıxarılsın;

1.2.7. aşağıdakı məzmunda 2.14-cü bənd əlavə edilsin:

"2.14. Oğurlanmış və ya naməlum şəraitdə itmiş əsas vəsaitlər (fondlar) 10 (on) il müddətində tapılmadıqda və aparılmış əməliyyat-axtarış tədbirləri heç bir nəticə vermədikdə Azərbaycan Respublikası Daxili İşlər Nazirliyinin, nəqliyyat vasitələri üzrə isə əlavə olaraq Baş Dövlət Yol Polisi İdarəsinin bu barədə məlumatı nəzərə alınmaqla, həmin əsas vəsaitlər (fondlar) Azərbaycan Respublikası Əmlak Məsələləri Dövlət Komitəsinin müvafiq rəyi əsasında təşkilatın balansından silinir.".

Artur Rasi-zadə,

Azərbaycan Respublikasının Baş naziri

Azərbaycan.-2012.- 29 sentyabr.- S.2.