YAP Sabunçu
rayon təşkilatında partiyanın fəalları ilə
görüş olmuşdur
Aprelin 11-də Yeni Azərbaycan
Partiyasının (YAP) sədr müavini-icra katibi, Milli Məclisin
deputatı Əli Əhmədov YAP Sabunçu rayon təşkilatında
partiyanın fəalları ilə
görüşmüşdür.
Görüşdə
Əli Əhmədov Azərbaycanın günü-gündən
artan iqtisadi və hərbi qüdrətindən,
respublikamızın bu gün regionun ən güclü
dövləti olmasından, bu sahədə ümummilli lider
Heydər Əliyevin siyasi xəttinin layiqli
davamçısı Prezident İlham Əliyevin əvəzsiz
xidmətlərindən danışmışdır.
Sədr
müavini bildirmişdir ki, bu gün YAP-ın hər bir
üzvü Prezident İlham Əliyevin
Azərbaycanın modernləşdirilməsi istiqamətində
yürütdüyü siyasəti tam dəstəkləyir.
Bunun üçün də partiya üzvləri qlobal
transformasiyaların, mürəkkəb geosiyasi və geoiqtisadi
meyillərin müşahidə olunduğu bir zamanda Azərbaycana
qarşı edilən virtual və siyasi hücumların
mövcudluğu şəraitində dövlətçiliyimizin
əsaslarının dərk edilməsində və onun
müdafiəsində daha fəal olmalıdırlar.
Bu
gün öz sıralarında 600 min nəfərədək
üzvü birləşdirən YAP-ın artıq ölkədə
böyük siyasi qüvvə olduğunu deyən Əli Əhmədov
vurğulamışdır ki, partiyanın hər bir
üzvü bu ilin oktyabrında keçiriləcək prezident
seçkilərində fəal iştirak etməlidir.
AzərTAc
Azərbaycan.- 2013.- 12 aprel.- S. 2.