Konstitusiya Məhkəməsi Palatasının növbəti iclası olmuşdur

Azərbaycan Respublikası Konstitusiya Məhkəməsi Palatasının iclası olmuşdur.

Konstitusiya Məhkəməsinin mətbuat xidmətindən AzərTAc-a bildirmişlər ki, iclasda Azərbaycan Respublikası Konstitusiyasının 130-cu maddəsinin VI hissəsinə və "Konstitusiya Məhkəməsi haqqında" qanunun 7.1-ci maddəsinə əsasən, Cinayət Məcəlləsinin 213-cü maddəsinin dispozisiyasının və Vergi Məcəlləsinin 78.3-cü və 78.4-cü maddələrinin şərh edilməsinə dair Goranboy Rayon Məhkəməsinin müraciətinə baxılaraq icraata qəbul edilməsi haqqında qərardad çıxarılmışdır.

Müraciətə mahiyyəti üzrə, tərəflərin iştirakı ilə Konstitusiya Məhkəməsi Plenumunun mayın 14-nə təyin edilmiş iclasında baxılacaqdır.

Azərbaycan.- 2013.- 11 aprel.- S. 8.