Litvanın Baş naziri ölkəmizə səfərə gələcəkdir

Litvanın Baş naziri Algirdas Butkyaviçyus aprelin 7-8-də Bakıda keçiriləcək Dünya İqtisadi Forumunda iştirak etmək üçün Azərbaycana işgüzar səfərə gələcəkdir. Bunu hökumət başçısının mətbuat xidmətindən bildirmişlər.

Tədbirdə Cənubi Qafqaz və Mərkəzi Asiyanın iqtisadi inteqrasiyası perspektivləri və onun gələcəkdə regiona mümkün təsirinin müzakirəsi planlaşdırılır.

Aprelin 8-də A.Butkyaviçyus "Cənubi Qafqaz və Mərkəzi Asiyanın perspektivləri" mövzusunda Dünya İqtisadi Forumunun açılış sessiyasında iştirak edəcəkdir. Bundan başqa, Baş nazir Dünya İqtisadi Forumunun sədri və təsisçisi Klaus Şvab ilə görüşəcəkdir.

Nigar HÜSEYNOVA,

AzərTAc-ın xüsusi müxbiri

Vilnüs

Azərbaycan.- 2013.- 7 aprel.- S. 4.