Günter ETTINGER: Azərbaycan və Türkmənistan qazının Avropaya yolunu açmaq lazımdır

Energetika məsələləri üzrə Avropa komissarı Günter Ettinger Avropanın Rusiyanın qaz təchizatından asılılığını azaltmağın zəruri olduğunu hesab edir. O, bunu Almaniyanın Hannover şəhərində (Aşağı Saksoniya Federal Əyaləti) AFR-in bərpa olunan enerji mənbələrinə keçməsinə həsr olunmuş forumda bəyan etmişdir.

G.Ettinger demişdir: "Biz rusiyalıları "mavi yanacağı" bütün dünyada topdan satan rolunda deyil, Rusiya qazının təchizatçıları rolunda görmək istəyirik". Ettingerin fikrincə, bu asılılığı azaltmaq üçün cənub dəhlizini - Azərbaycan və Türkmənistan qazının Avropaya yolunu açmaq lazımdır.

Forum aprelin 8-də açılmış dünyanın ən iri sənaye sərgilərindən biri olan Hannover yarmarkası çərçivəsində keçirilmişdir.

Nigar HÜSEYNOVA,

AzərTAc-ın xüsusi müxbiri

Riqa

Azərbaycan.- 2013.- 11 aprel.- S. 6.