Nikolay LEBEDEV: Azərbaycan xalqına və onun möhkəm siyasi iradəyə malik, mübariz və qətiyyətli hakimiyyətinə uğurlar arzulayıram

Azərbaycan xalqına və onun möhkəm siyasi iradəyə malik, mübariz və qətiyyətli hakimiyyətinə uğurlar arzulayıram. AzərTAc xəbər verir ki, bu sözləri Moskva Dövlət Beynəlxalq Münasibətlər İnstitutunun (MDBMİ) sabiq rektoru Nikolay Lebedev jurnalistlərə demişdir.

N.Lebedev Moskva Dövlət Beynəlxalq Münasibətlər İnstitutu məzunlarının I Ümumdünya Forumunun təşkilinə görə Azərbaycan Respublikasının Prezidenti, Azərbaycan xalqının və universitetimizin fəxri olan İlham Əliyevə təşəkkürünü bildirmişdir.

Belə bir mötəbər tədbirə dəvət olunduğuna görə məmnunluğunu bildirən N.Lebedev vurğulamışdır ki, Azərbaycan hər zaman məndə dostluq hisslərini oyadır. Azərbaycanın inkişafı hər zaman bizləri sevindirir. Bakının sürətlə inkişaf edən dinamik şəhər olduğunu qeyd edən N.Lebedev demişdir: "Bu şəhərin gözəlliyinə heyran olmamaq mümkün deyildir".

Azərbaycan.-2013.- 13 aprel.- S.7.