Veteranlar Prezident İlham Əliyevə minnətdarlıq edirlər

Prezident İlham Əliyevin aprelin 23-də imzaladığı "1941-1945-ci illər Böyük Vətən müharibəsi iştirakçılarına, həlak olmuş və ya sonralar vəfat etmiş döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım verilməsi barədə" sərəncamını Respublika Veteranlar Şurasının üzvləri dərin razılıq hissi ilə qarşılamışlar.

Şuranın sədri Əlövsət Baxışov demişdir ki, dövlət başçısı İlham Əliyev veteranlara daim yüksək diqqət və qayğı göstərir. Prezidentin bu sərəncamı da biz veteranların maddi rifahının yaxşılaşdırılmasına dövlət qayğısının daha bir parlaq nümunəsidir. Biz veteranlar Prezidentimizin siyasətini dəstəkləyir, xalqımızın və ölkəmizin gələcəyi naminə gördüyü işlərdə dövlət başçısına yeni-yeni uğurlar arzulayırıq.

Azərbaycan.-2013.- 26 aprel.- S.9.