Mərkəzi Seçki Komissiyası bölgələrdə seçki hüququ üzrə ixtisaslaşdırılmış kurslara başlamışdır

Mərkəzi Seçki Komissiyasının (MSK) təşkilatçılığı ilə regionlarda keçirilən seçki hüququ üzrə ixtisaslaşdırılmış kursların üçüncü - sonuncu günündə 108 saylı Ağstafa seçki dairəsi dairə seçki komissiyasının üzvləri və dairənin əhatə etdiyi məntəqə seçki komissiyalarının sədrləri qarşıdakı prezident seçkiləri ilə bağlı ətraflı təlimatlandırılmışlar.

AzərTAc xəbər verir ki, kursda MSK-nın nümayəndəsi Əziz Məhərrəmovun "Seçki prosesində kütləvi informasiya vasitələrinin rolu, yerli və xarici müşahidəçilərin hüquq və vəzifələri", rayon prokuroru Əlirza Babayevin "Seçki subyektləri, seçki hüquqlarının pozulmasına görə məsuliyyət nəzərdə tutan qanunvericilik aktları və məsuliyyət növləri", 108 saylı Ağstafa seçki dairəsi dairə seçki komissiyasının sədri Tamerlan Eyyubovun "Prezident seçkilərinin keçirilməsi, səslərin hesablanması və nəticələrin rəsmiləşdirilməsi. Bu istiqamətdə məntəqə seçki komissiyalarının fəaliyyətinin təşkili və vəzifələri" mövzularında məruzələri dinlənilmişdir.

Məruzələrdə qarşıdan gələn prezident seçkilərinə hazırlıq məqsədilə təşkil olunmuş ixtisaslaşdırılmış kursların Azərbaycanda seçkilərin beynəlxalq standartlara uyğun, yüksək səviyyədə keçirilməsində mühüm əhəmiyyət kəsb etdiyi diqqətə çatdırılmışdır. Bildirilmişdir ki, respublikamızda keçirilən bütün seçkilərdə olduğu kimi, builki prezident seçkilərində də obyektivliyin təmin olunması üçün hər cür şərait yaradılmışdır.

105 saylı Tovuz, 106 saylı Tovuz-Qazax-Ağstafa, 107 saylı Qazax seçki dairələri dairə seçki komissiyalarında keçirilən kurslarda da müdavimlərə bir sıra qanunvericilik aktları, təlimatlar barədə ətraflı məlumatlar verilmiş, bəzi məsələlərə aydınlıq gətirilmişdir.

***

Qarabağ bölgəsində təlim məşğələlərinin sonuncu günündə MSK nümayəndələrinin, rayon prokurorlarının, dairə seçki komissiyaları sədrlərinin seçki hüququ ilə əlaqədar müxtəlif mövzularda məruzələri dinlənilmişdir.

95 saylı Tərtər seçki dairəsi dairə seçki komissiyasının 9 üzvünün, 37 məntəqə sədrinin, habelə qaçqın və köçkün rayonlarının seçki məntəqələri sədrlərinin iştirak etdikləri kursda tematik plana uyğun olaraq, rayon prokuroru Azər Hətəmov "Seçki subyektləri, seçki hüquqlarının pozulmasına görə məsuliyyət nəzərdə tutan qanunvericilik sistemi və məsuliyyət növləri" mövzusunda məruzə etmiş, DSK sədri Həmid Mehdiyev "Azərbaycan Respublikası Prezidentinin seçkilərinin keçirilməsi, səslərin hesablanması və nəticələrin rəsmiləşdirilməsi. Bu istiqamətdə məntəqə seçki komissiyalarının fəaliyyətinin təşkili və vəzifələri" mövzusunda seminar keçirmişdir.

Məruzəçilər mövcud qanunvericiliyin tələbləri, Seçki Məcəlləsinin konkret müddəalarını şərh etmiş, seçkilərin demokratik, azad və şəffaf keçirilməsi ilə bağlı iştirakçılara müvafiq metodiki tövsiyələr vermişlər. Bildirilmişdir ki, üçgünlük tədrisin DSK üzvləri və məntəqə seçki komissiyaları sədrlərinin peşəkarlıq səviyyəsinin yüksəldilməsi və seçki hüququ ilə bağlı biliklərinin artırılması baxımından əhəmiyyəti böyük olmuşdur.

Bərdə rayonunda fəaliyyət göstərən 93 saylı Bərdə şəhər və 94 saylı Bərdə kənd seçki dairələri dairə seçki komissiyalarında təşkil olunan kurslarda rayon prokuroru Rəhim Əliyev və məhkəmənin sədri Ağarza Səmədovun məruzələri dinlənilmişdir.

Məruzəçilər seçki hüququ və onun təminatının qanunvericilik əsasları, aşağı seçki komissiyaları və məhkəmələr tərəfindən seçki hüququnun qorunması mexanizmlərindən, seçki hüququnun pozulmasına görə məsuliyyət növlərindən bəhs etmişlər.

İxtisaslaşdırılmış kurslar Ağdam rayonunda da uğurla davam etdirilmişdir. 119 saylı Ağdam kənd seçki dairəsi dairə seçki komissiyasında keçirilən kursların sonuncu günündə dairə seçki komissiyasının üzvləri ilə yanaşı, 37 məntəqə seçki komissiyasının sədri, eləcə də 118 saylı Ağdam şəhər seçki dairəsi üzrə 21, digər işğal altında olan rayonlardan 2 məntəqə sədri iştirak etmişlər.

82 saylı Ağcabədi seçki dairəsi dairə seçki komissiyasında ixtisaslaşdırılmış kursların sonuncu günündə seçkilərin azad, demokratik və şəffaf keçirilməsi üçün möhkəm hüquqi bazanın yaradılmasından, seçkilərə hazırlıqda və seçki prosesi zamanı dairə və məntəqə seçki komissiyalarının fəaliyyətinin təşkili, üzərlərinə düşən məsul vəzifələrdən ətraflı danışılmışdır.

83 saylı Ağcabədi-Füzuli seçki dairəsində keçirilmiş kursda tematik plana uyğun olaraq, rayon prokurorunun və DSK sədrinin məruzələri dinlənilmiş, dinləyiciləri maraqlandıran suallara aydınlıq gətirilmiş, mövzular ətrafında fikir mübadiləsi aparılmışdır.

İxtisaslaşdırılmış kursların sonuncu günündə 84 saylı Füzuli seçki dairəsi dairə seçki komissiyasında tədris uğurla yekunlaşmışdır. Kursda MSK-nın nümayəndəsi Ramin Nurəliyev, rayon prokuroru və DSK sədri məruzə edərək məntəqə seçki komissiyaları sədrlərinin vəzifələri, məntəqələrin fəaliyyətlərinin təşkili, seçki prosesində KİV-lərin rolu, yerli və beynəlxalq müşahidəçilər, eləcə də namizədlərin səlahiyyətli nümayəndələri ilə işin təşkili və s. məsələlər barədə danışmışlar.

Ağcabədi rayonunun Taxtakörpü ərazisində yerləşən 121 saylı Laçın seçki dairəsi dairə seçki komissiyasında keçirilən kurslarda rayon prokurorunun köməkçisi Elgiz Mehdiyev və DSK sədri Hüseyn Səfərov məruzə etmiş, iştirakçıları maraqlandıran sualları cavablandırmışlar.

48 saylı Yevlax seçki dairəsi dairə seçki komissiyasında təşkil olunmuş kurslarda DSK-nın üzvləri, 31 məntəqə seçki komissiyasının sədrləri və işğal altında olan rayonlardan 8 məntəqə sədri iştirak etmişlər.

Rayon məhkəməsinin sədri Qələndar Abbasov və DSK-nın sədri Yaşar Abbasov dinləyicilər qarşısında çıxış edərək seçki hüququ və onun təminatının qanunvericilik əsaslarından, seçkilərin şəffaf və demokratik keçirilməsində məntəqə seçki komissiyalarının qarşısında duran vəzifələrdən danışmışlar.

Rayonlarda dairə seçki komissiyalarının üzvləri və məntəqə seçki komissiyalarının sədrləri üçün keçirilən kurslar uğurla başa çatmışdır. Məntəqə sədrlərinə MSK tərəfindən göndərilmiş təlimatlar, Seçki Məcəlləsi, qayda və izahatlar, seçici siyahıları ilə bağlı plakatlar paylanılmışdır.

***

Mərkəzi Seçki Komissiyasının (MSK) Azərbaycan Respublikası Prezidentinin "Azərbaycan Respublikasında insan hüquqlarının müdafiəsi üzrə Milli Fəaliyyət Planının təsdiq edilməsi haqqında" 2006-cı il 28 dekabr tarixli və "Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramının təsdiq edilməsi haqqında" 2011-ci il 27 dekabr tarixli sərəncamlarının icrası ilə əlaqədar ölkənin regionlarında keçirdiyi seçki hüququ üzrə ixtisaslaşdırılmış kurslar avqustun 7-də başa çatmışdır.

Cənub bölgəsində keçirilən təlim məşğələlərinin sonuncu günündə MSK nümayəndələrinin, rayon polis şöbələri rəislərinin, dairə seçki komissiyalarının (DSK) sədrlərinin seçki hüququ ilə əlaqədar müxtəlif mövzularda məruzələri dinlənilmişdir.

70 saylı Masallı şəhər seçki dairəsi dairə seçki komissiyasının inzibati binasında təşkil olunan kursda rayon prokurorunun köməkçisi Tural Nəbiyev "Seçki subyektləri, seçki hüquqlarının pozulmasına görə məsuliyyət nəzərdə tutan qanunvericilik aktları və məsuliyyət növləri", MSK-nın üzvü Nizami Muradov "Seçki prosesində KİV-lərin rolu, yerli və xarici müşahidəçilərin hüquq və vəzifələri" mövzularında məruzələrlə çıxış etmişlər.

Həmçinin 70 saylı Masallı şəhər seçki dairəsinin dairə seçki komissiyasının sədri Ayıq Səmədov "Azərbaycan Respublikası Prezidentinin seçkilərinin keçirilməsi, səslərin hesablanması və nəticələrin rəsmiləşdirilməsi. Bu istiqamətdə məntəqə seçki komissiyalarının fəaliyyətinin təşkili və vəzifələri" mövzusunda seminar keçirmişdir.

Məruzə və çıxışlarda qeyd olunmuşdur ki, Azərbaycanda demokratik seçkilərin keçirilməsi üçün möhkəm qanunvericilik bazası yaradılmış, ictimai-siyasi sabitlik təmin edilmişdir.

Bildirilmişdir ki, 70 saylı Masallı şəhər seçki dairəsində 37 min 876 seçicini əhatə edən 42 məntəqə seçki komissiyası fəaliyyət göstərir. Məntəqə seçki komissiyalarında seçkilərin azad, şəffaf və demokratik keçirilməsi üçün hər cür şərait yaradılmışdır.

Diqqətə çatdırılmışdır ki, seçkilərin demokratik şəraitdə keçməsi, ilk növbədə, seçki məntəqələrində səsvermə prosesinin mövcud təlimatlara uyğun təşkilindən, komissiya üzvlərinin hazırlıq səviyyəsindən asılıdır. MSK-nın təşkil etdiyi ixtisaslaşdırılmış kursların dairə seçki komissiyaları üzvlərinin və məntəqə seçki komissiyaları sədrlərinin seçki üzrə hüquqi biliklərinin artırılmasında əhəmiyyətli rolu vardır.

Avqustun 7-də cənub bölgəsində fəaliyyət göstərən 67 saylı Cəlilabad şəhər, 68 saylı Cəlilabad kənd, 69 saylı Cəlilabad-Masallı-Biləsuvar, 71 saylı Masallı kənd, 72 saylı Yardımlı-Masallı, 73 saylı Lənkəran şəhər, 74 saylı Lənkəran kənd, 75 saylı Lənkəran-Masallı, 76 saylı Lənkəran-Astara, 77 saylı Astara və 78 saylı Lerik seçki dairələri dairə seçki komissiyalarında keçirilən ixtisaslaşdırılmış kurslarda MSK-nın üzvləri, rayon və şəhər icra hakimiyyətlərinin məsul işçiləri, məhkəmələrin sədrləri, polis idarələrinin rəisləri, prokurorluq işçiləri və dairə seçki komissiyalarının sədrləri seçki hüququna dair müxtəlif məsələlər barədə çıxış etmiş, dairə seçki komissiyalarının üzvlərini və məntəqə seçki komissiyalarının sədrlərini maraqlandıran sualları cavablandırmışlar.

***

Gəncədə fəaliyyət göstərən 123 saylı Kəlbəcər seçki dairəsi dairə seçki komissiyasında keçirilən ixtisaslaşdırılmış kurslarda DSK-nın üzvləri və məntəqə seçki komissiyasının sədrləri müzakirə olunan mövzular ətrafında fəallıq nümayiş etdirmişlər.

Kurslarda 123 saylı Kəlbəcər seçki dairəsi dairə seçki komissiyasının üzvləri, Gəncə, Göygöl, Daşkəsən və Samuxda məskunlaşan kəlbəcərlilər üçün təşkil edilmiş 16 seçki məntəqəsinin sədrləri iştirak etmişlər.

Mərkəzi Seçki Komissiyasının nümayəndələri Fərhad Eminbəyli, Bəxşeiş Əsgərov və rayon prokuroru Ariz Əliyev "Seçki subyektləri, seçki hüquqlarının pozulmasına görə məsuliyyət nəzərdə tutan qanunvericilik aktları və məsuliyyət növləri" mövzusunda məruzələri dinlənildikdən sonra "Azərbaycan Respublikası Prezidentinin seçkilərinin keçirilməsi, səslərin hesablanması və nəticələrin rəsmiləşdirilməsi. Bu istiqamətdə MSK-nın fəaliyyətinin təşkili və vəzifələri" mövzusunda seminar keçirilmişdir.

Seminarda çıxış edən dairə seçki komissiyasının üzvləri və məntəqə seçki komissiyalarının sədrləri demişlər ki, seçki prosesi çətin olmaqla yanaşı, həm də məsuliyyətli işdir. Seçkilərin təşkilində iştirak edən hər kəs bu məsuliyyəti hiss etməli, xalqın etimadını doğrultmalıdır. Ölkəmizdə bu sahədə müsbət addımlar atılmış, seçkilərin şəffaf və demokratik keçirilməsi üçün zəngin baza yaradılmışdır. Bunun üçün beynəlxalq standartlara cavab verən qanunverici aktlar təsdiq edilmişdir. Bu qanunverici aktlar Azərbaycan Respublikasında seçki praktikasının təkmilləşdirilməsi baxımından böyük uğurların qazanılmasında mühüm rol oynamışdır və söz yox ki, növbəti seçkilərdə də bu nailiyyətlər təkrar olunacaqdır.

Mərkəzi Seçki Komissiyasının regionlarda təşkil etdiyi kurslar Gəncədəki 37 saylı Nizami I, 38 saylı Nizami II, 39 saylı Kəpəz I və 40 saylı Kəpəz II seçki dairələri dairə seçki komissiyalarında da seçki prosesi ilə bağlı məruzələr dinlənilmiş, maarifləndirici seminarlar keçirilmişdir.

96 saylı Goranboy-Naftalan, 97 saylı Goranboy-Ağdam-Tərtər, 98 saylı Şəmkir şəhər, 99 saylı Şəmkir kənd, 100 saylı Şəmkir-Daşkəsən, 101 saylı Göygöl-Daşkəsən, 102 saylı Samux-Şəmkir, 103 saylı Gədəbəy və 104 saylı Gədəbəy-Tovuz seçki dairələri dairə seçki komissiyalarında təşkil olunmuş kurslarda dinləyiciləri maraqlandıran bir çox məsələlər ətrafında fikir mübadiləsi aparılmış, seçkilərin mütəşəkkil və qanunvericiliyin tələblərinə uyğun keçirilməsi ilə bağlı suallara aydınlıq gətirilmişdir.

***

Kursların sonuncu günündə keçirilən seminarlarda rayon prokurorlarının "Seçki subyektləri, seçki hüququnun pozulmasına görə məsuliyyət nəzərdə tutan qanunvericilik sistemi və məsuliyyət növləri", habelə dairə seçki komissiyaları sədrlərinin "Azərbaycan Respublikası Prezidentinin seçkilərinin keçirilməsi, səslərin hesablanması və nəticələrinin rəsmiləşdirilməsi. Bu istiqamətdə məntəqə seçki komissiyalarının fəaliyyətinin təşkili və vəzifələri" mövzularında məruzələr dinlənilmişdir.

112 saylı Qax seçki dairəsində keçirilən seminarda çıxış edən rayon prokuroru İslam Qasımov bildirmişdir ki, Prezident İlham Əliyevin uzaqgörən siyasəti və məqsədyönlü fəaliyyəti sayəsində cəmiyyətdə yaranmış ictimai-siyasi sabitlik, demokratik, hüquqi və dünyəvi dövlət quruculuğu yolunda atılan mühüm addımlar ölkəmizdə bütün sahələrin normal fəaliyyəti üçün əlverişli şərait yaratmışdır.

Qeyd olunmuşdur ki, Azərbaycan Respublikasında dövlət hakimiyyətinin əsasını xalqın iradəsi təşkil edir. Azərbaycan xalqının iradəsi ümumi, bərabər və birbaşa seçki hüququ əsasında gizli və şəxsi səsvermə yolu ilə azad və mütəmadi keçirilən seçkilərdə, ümumxalq səsverməsi - referendumda öz təzahürünü tapır. Azərbaycan dövləti ölkə vətəndaşlarının iradəsinin azad ifadə edilməsinə seçki hüququnun prinsip və normalarının müdafiə edilməsi yolu ilə təminat verir.

Bildirilmişdir ki, seçkilərin demokratik və şəffaf prosedurlar əsasında keçirilməsi, ölkə vətəndaşlarının seçki hüquqlarının tam təmin edilməsi, ilk növbədə, seçki hüquqpozmalarının törədilməsinə görə məsuliyyətin müəyyən edilməsi və belə mənfi amillərlə səmərəli mübarizə mexanizminin yaradılmasından asılıdır.

Məruzəçi seçkilərin keçirilməsi zamanı baş verə biləcək qanun pozuntularının qarşısının alınması, seçkilərin Azərbaycan Respublikasının Seçki Məcəlləsinin müddəalarına tam uyğun qaydada keçirilməsi, bu sahədə müvafiq dövlət orqanlarının üzərinə düşən vəzifələr, qəbul olunmuş qanun və normativ-hüquqi sənədlər barədə ətraflı məlumat vermişdir. Qeyd olunmuşdur ki, seçki kampaniyaları zamanı MSK-nın, eləcə də dairə və məntəqə seçki komissiyalarının fəaliyyətinin ən məsul məqamlarından biri vətəndaşların seçki hüququnun pozulmasının qarşısını almaqdır.

109 saylı Balakən seçki dairəsi dairə seçki komissiyasında keçirilən seminarda çıxış edən MSK-nın üzvü Etibar Quliyev bildirmişdir ki, prezident seçkiləri çox mühüm əhəmiyyət daşıdığından bu seçkilərə çox diqqətlə yanaşılmalıdır. Diqqətə çatdırılmışdır ki, Seçki Məcəlləsinə görə, seçki kampaniyası dövrü əvvəllər 4 ay idisə, seçki praktikasının təkmilləşdirilməsi nöqteyi-nəzərindən indi bu dövr 2 aya endirilmişdir. Bu qısa müddətdə dairə və məntəqə seçki komissiyalarının üzvləri səfərbər olaraq qarşıya qoyulmuş vəzifəni - seçkilərin hazırlanması və keçirilməsi vəzifəsini ləyaqətlə yerinə yetirməyə çalışmalıdırlar.

Bildirilmişdir ki, bu gün beynəlxalq ictimaiyyət tərəfindən Azərbaycana diqqət çox yüksəkdir. Çünki Azərbaycan bir tərəfdən müstəqilliyini yenicə əldə etmişdir, digər tərəfdən isə ölkə çox sürətlə inkişaf edir. Avropanı iqtisadi böhran bürüdüyü halda, Azərbaycanda sürətli inkişaf vardır. Təbii ki, belə olan halda Azərbaycana maraq daha da artır, seçki kampaniyalarında ölkəmizə çoxlu sayda uzunmüddətli və qısamüddətli beynəlxalq müşahidəçilər təşrif buyururlar.

MSK-nın təmsilçisi bildirmişdir ki, hər bir seçki prosesi əvvəlkindən daha demokratik, daha azad, daha şəffaf keçirilir. Əminik ki, bu dəfə də seçkilər demokratik, ümumbəşəri dəyərlərə, beynəlxalq standartlara uyğun keçiriləcəkdir. Seçki prosesini izləməyə gələn beynəlxalq müşahidəçilər özlərinin hazırladıqları hesabatlarda, rəylərdə bunu qeyd edəcəklər.

Avqustun 7-də 110 saylı Zaqatala, 111 saylı Zaqatala-Balakən, 113 saylı Şəki şəhər, 114 saylı Şəki kənd birinci, 115 saylı Şəki kənd ikinci, 117 saylı Oğuz-Qəbələ seçki dairələri dairə seçki komissiyalarında da seçki hüququ üzrə kurslar uğurla başa çatmışdır.

Seminarlarda bildirilmişdir ki, hər bir dövlətin beynəlxalq aləmdə nüfuzunun artması ölkədə keçirilən seçkilərdə insan hüquq və azadlıqlarının müdafiəsi məqsədilə qanunvericiliyin tələblərinə riayət olunmasından, seçkilərin beynəlxalq standartlara uyğun keçirilməsindən çox asılıdır. Hər bir dövlətdə tətbiq olunan seçki siyasəti onun inkişaf yolunu təyin edən əsas amillərdəndir. Ona görə də seçki prosesinin daim təkmilləşdirilməsi, yeni texnologiyaların tətbiqi, seçkiləri keçirən seçki komissiyalarının üzvlərinin peşəkarlığının artırılması olduqca vacibdir. Bu baxımdan MSK-nın təşkilatçılığı ilə dairə seçki komissiyalarının üzvləri və məntəqə seçki komissiyalarının sədrləri üçün keçirilən belə ixtisaslaşdırılmış kursların əhəmiyyəti çox böyükdür.

***

62 saylı Saatlı seçki dairəsi dairə seçki komissiyasının inzibati binasında keçirilən təlim kursunda rayon prokuroru Tariyel Ələkbərov "Seçki subyektləri, seçki hüquqlarının pozulmasına görə məsuliyyət nəzərdə tutan qanunvericilik aktları və məsuliyyət növləri" mövzusunda məruzə ilə çıxış etmişdir.

62 saylı Saatlı seçki dairəsi dairə seçki komissiyasının sədri Arif Əliyev "Azərbaycan Respublikası Prezidentinin seçkilərinin keçirilməsi, səslərin hesablanması və nəticələrin rəsmiləşdirilməsi. Bu istiqamətdə məntəqə seçki komissiyalarının fəaliyyətinin təşkili və vəzifələri" mövzusunda seminar keçirmişdir.

Məruzə və çıxışlarda qeyd olunmuşdur ki, Azərbaycanda demokratik seçkilərin keçirilməsi üçün mükəmməl qanunvericilik bazası yaradılmış, ictimai-siyasi sabitlik təmin edilmişdir.

Bildirilmişdir ki, 62 saylı Saatlı şəhər seçki dairəsinin əhatə etdiyi ərazidə 35 məntəqə seçki komissiyası üzrə 40 min 175 seçici vardır ki, bunlardan 771 nəfərinin yaşı 80-dən yuxarı, 2497 nəfəri isə səs vermədə ilk dəfə iştirak edənlərdir. Seçki məntəqələrində seçkilərin azad, şəffaf və demokratik keçirilməsini təmin etmək üçün hər cür şərait yaradılmışdır.

Diqqətə çatdırılmışdır ki, seçkilərin demokratik şəraitdə keçməsi ilk növbədə, seçki məntəqələrində səsvermə prosesinin mövcud təlimatlara uyğun təşkil edilməsindən, komissiya üzvlərinin hazırlıq səviyyəsindən asılıdır.

MSK-nın təşkil etdiyi ixtisaslaşdırılmış kursların dairə seçki komissiyaları üzvlərinin və məntəqə seçki komissiyaları sədrlərinin seçki üzrə hüquqi biliklərinin artırılmasında əhəmiyyətli rolu vardır.

46 saylı Şirvan, 58 saylı Hacıqabul-Kürdəmir, 59 saylı Salyan, 60 saylı Salyan-Neftçala, 63 saylı Sabirabad birinci, 64 saylı Sabirabad ikinci, 65 saylı Saatlı-Sabirabad-Kürdəmir, 66 saylı Biləsuvar, 79 saylı İmişli, 80 saylı İmişli-Beyləqan seçki dairələri dairə seçki komissiyalarında keçirilən ixtisaslaşdırılmış kurslarda MSK-nın üzvləri, rayon və şəhər icra hakimiyyətinin məsul işçiləri, məhkəmələrin sədrləri, polis idarəsinin rəisləri, prokurorluq işçiləri və dairə seçki komissiyalarının sədrləri seçki hüququna dair müxtəlif məsələlər barədə çıxış etmiş, iştirakçıları maraqlandıran sualları cavablandırmışlar.

***

Kursların sonuncu günü 51 saylı Qusar, 52 saylı Quba, 53 saylı Quba-Qusar, 54 saylı Şabran-Siyəzən, 55 saylı Xaçmaz şəhər və 56 saylı Xaçmaz kənd seçki dairələrinin dairə seçki komissiyalarında aparılan işgüzar müzakirələrlə yadda qalmışdır.

MSK-nın üzvü Validə Kazımova və bu qurumun təşkilat şöbəsinin müdiri İsmayıl Abbasəliyev təlim məşğələsinin sonuncu günündə 54 saylı Şabran-Siyəzən seçki dairəsinin dairə seçki komissiyasının üzvləri və dairəyə daxil olan 68 məntəqə seçki komissiyalarının sədrləri üçün mühazirə oxumuşlar.

Təlimlərin sonuncu günündə seçici siyahılarının təkmilləşdirilməsi, rəsmi seçki sənədlərinin daşınması və saxlanması təhlükəsizliyinin təmini, seçki prosesində kütləvi informasiya vasitələrinin rolu, seçkiqabağı təşviqatın aparılmasına şəraitin yaradılması, bildirişlərin seçicilərə çatdırılması, eləcə də seçki komissiyaları ilə səmərəli əlaqənin qurulması və digər mövzular ətrafında çıxışlar edilmiş, fikir mübadiləsi olmuşdur.

***

Kursda şəhər prokurorunun müavini Tağı Rüstəmovun "Seçki subyektləri, seçki hüquqlarının pozulmasına görə məsuliyyət nəzərdə tutan qanunvericilik aktları və məsuliyyət növləri", 47 saylı Mingəçevir seçki dairəsi dairə seçki komissiyasının sədri Oqtay Məmmədovun "Azərbaycan Respublikası Prezidentinin seçkilərinin keçirilməsi, səslərin hesablanması və nəticələrin rəsmiləşdirilməsi, bu istiqamətdə məntəqə seçki komissiyalarının fəaliyyətinin təşkili və vəzifələri" mövzularında məruzələri dinlənilmişdir.

Məruzələrdə qarşıdan gələn prezident seçkilərinə hazırlıq məqsədi ilə təşkil olunmuş ixtisaslaşdırılmış kursların Azərbaycanda seçkilərin beynəlxalq standartlara uyğun, yüksək səviyyədə keçirilməsində mühüm əhəmiyyət kəsb etdiyi diqqətə çatdırılmışdır. Bildirilmişdir ki, respublikamızda keçirilən bütün seçkilərdə olduğu kimi, builki prezident seçkilərində də obyektivliyin təmin olunması üçün hər cür şərait yaradılmışdır. Dairə və məntəqə seçki komissiyaları üzvlərinin seçki hüquqları barədə kifayət qədər bilik və təcrübələri vardır. Qeyd olunmuşdur ki, oktyabrın 9-da ölkəmizdə baş tutacaq növbəti seçkilərin azad, demokratik və şəffaf şəraitdə keçirilməsi ilk növbədə, seçki məntəqələrində səsvermə prosesinin mövcud təlimatlara uyğun təşkilindən, komissiya üzvlərinin hazırlıq səviyyəsindən asılıdır.

88 saylı Ağdaş, 89 saylı Göyçay-Ağdaş, 90 saylı Ağdaş, 116 saylı Qəbələ seçki dairələri dairə seçki komissiyalarında keçirilən kurslarda da eyni mövzularda məruzələr dinlənilmiş, müdavimlərə bir sıra qanunvericilik aktları, təlimatlar barədə ətraflı məlumatlar verilmiş, bəzi məsələlərə aydınlıq gətirilmişdir. Bildirilmişdir ki, builki seçkilərdə dairə üzrə 30 məntəqədə 36980 nəfər seçici qeydə alınmışdır. Onlardan 574 nəfər ilk dəfə səs verəcəkdir.

Dairə seçki komissiyalarının üzvlərini və məntəqə seçki komissiyalarının sədrlərini maraqlandıran suallara aydınlıq gətirilmişdir.

***

İxtisaslaşdırılmış kursların tədris cədvəlinə uyğun olaraq avqustun 7-də dinləyicilər qarşısında rayon prokuroru Zakir Müslümov "Seçki subyektləri, seçki hüquqlarının pozulmasına görə məsuliyyət nəzərdə tutan qanunvericilik aktları və məsuliyyət növləri" mövzusunda məruzə ilə çıxış etmişdir.

Məruzəçi ölkəmizdə seçkilərin azad, demokratik və şəffaf keçirilməsi üçün beynəlxalq təcrübəyə əsaslanan möhkəm hüquqi baza yaradıldığını diqqətə çatdırmışdır. Z.Müslümov hər bir seçki rəsmisinin məhz qanunu mükəmməl öyrənməsinin və seçki prosesində bu qanuna düzgün riayət etməsinin vacibliyini qeyd etmişdir. Bildirmişdir ki, ölkə həyatında mühüm hadisə olan prezident seçkilərinin demokratikliyi və şəffaflığı Seçki Məcəlləsinin tələblərinə tam riayət olunmasından asılıdır. Əks təqdirdə, hər hansı diqqətsizliyə, qanun pozuntusuna yol verən şəxs qanun qarşısında məsuliyyət daşıyır.

Mövzu ilə əlaqədar mövcud qanunvericiliyin əsas müddəaları ətraflı şərh edilmiş, dinləyiciləri maraqlandıran suallara aydınlıq gətirilmişdir.

Kurs çərçivəsində reallaşan "Azərbaycan Respublikası Prezidentinin seçkilərinin keçirilməsi, səslərin hesablanması və nəticələrin rəsmiləşdirilməsi. Bu istiqamətdə məntəqə seçki komissiyalarının fəaliyyətinin təşkili və vəzifələri" mövzusunda seminarda dairə seçki komissiyasının sədri Hüseyn Rəcəbov məsələ ilə əlaqədar Seçki Məcəlləsinin müvafiq maddələrini diqqətə çatdırmış, bir sıra məsələlər ətrafında geniş şərhlər vermişdir.

86 saylı İsmayıllı seçki dairəsi dairə seçki komissiyasında DSK-nın üzvləri və məntəqə seçki komissiyalarının sədrləri üçün təşkil edilən seçki hüququ üzrə ixtisaslaşdırılmış kursların axırıncı günündə işgüzar fikir mübadiləsi aparılmışdır. Burada prezident seçkilərinin azad, demokratik və şəffaf keçirilməsi, Seçki Məcəlləsinin, seçkilərlə əlaqədar müvafiq qanunların mükəmməl öyrənilməsi və bunlara dəqiq riayət edilməsi məsələlərindən danışılmışdır.

Seminarda həmçinin seçkilərin keçirilməsi, səslərin hesablanması və nəticələrin rəsmiləşdirilməsi, məntəqə seçki komissiyalarının fəaliyyətinin təşkili və vəzifələri geniş müzakirə olunmuşdur.

87 saylı Ağsu - İsmayıllı seçki dairəsi dairə seçki komissiyasında üçgünlük ixtisaslaşdırılmış kursların sonuncu günündə prezident seçkilərinə hazırlıq, seçkilərin tam demokratik və şəffaf keçirilməsi, bu işdə seçki rəsmilərinin məsuliyyəti, qarşıda duran konkret vəzifələr və sair məsələlər geniş müzakirə olunmuşdur.

Avqustun 7-də 50 saylı Qobustan-Xızı-Sumqayıt seçki dairəsi dairə seçki komissiyasında DSK-nın üzvləri və məntəqə seçki komissiyalarının sədrləri üçün keçirilən seçki hüququ üzrə ixtisaslaşdırılmış kursda iştirakçılara prezident seçkilərinə hazırlıq, seçkilərin demokratik və şəffaf keçirilməsi sahəsində konkret vəzifələr barədə ətraflı bilgilər verilmişdir.

57 saylı Kürdəmir, 91 saylı Ucar və 92 saylı Zərdab - Ucar seçki dairələri dairə seçki komissiyalarında da seçki hüququ üzrə ixtisaslaşdırılmış kurslar səmərəli fikir mübadiləsi şəraitində başa çatmışdır.

***

Avqustun 7-də 41 saylı Sumqayıt birinci, 42 saylı Sumqayıt ikinci, 43 saylı Sumqayıt üçüncü, 44 saylı Sumqayıt-Abşeron və 45 saylı Abşeron seçki dairələri dairə seçki komissiyalarında (DSK) keçirilən seçki hüquqları üzrə ixtisaslaşdırılmış kurslarda DSK-nın üzvləri və dairənin əhatə etdiyi məntəqə seçki komissiyalarının sədrləri, həmçinin qaçqın və məcburi köçkün rayonlarının, o cümlədən 125 saylı Qubadlı-Zəngilan, 120 saylı Cəbrayıl -Qubadlı, 121 saylı Laçın, 50 saylı Qobustan-Xızı-Sumqayıt seçki dairələri üzrə DSK-ların üzvləri və məntəqə seçki komissiyalarının sədrləri iştirak etmişlər.

İxtisaslaşdırılmış kursların üçüncü günündə müdavimlər Sumqayıt şəhər prokurorunun köməkçisi Vüqar Əhmədlinin, Sumqayıt şəhər prokurorunun köməkçisi Pərviz Əliyevin, Sumqayıt şəhər prokurorunun köməkçisi Kərəm Mansurovun, Abşeron Rayon Prokurorluğundan Emin Cahangirovun "Seçki subyektləri və seçki hüquqlarının pozulmasına görə məsuliyyət nəzərdə tutan qanunvericilik aktları və məsuliyyət növləri" mövzusunda məruzələrini dinləmiş, məsələ ilə əlaqədar mövcud təlimat şərh edilmişdir.

İştirakçılara qanunvericilik sistemi, inzibati məsuliyyət, seçki hüququnun pozulması ilə bağlı nəzərdə tutulan məsələlər və onların qarşının alınması yolları haqqında bilgilər verilmişdir.

Kurslarda 41 saylı Sumqayıt birinci seçki dairəsi dairə seçki komissiyasının sədri Məzahir Süleymanov, 42 saylı Sumqayıt ikinci seçki dairəsi dairə seçki komissiyasının sədri Ruslan Hacıyev, 43 saylı Sumqayıt üçüncü seçki dairəsi dairə seçki komissiyasının sədri Həsən Məmmədov və katibi Kübra Quliyeva və 44 saylı Sumqayıt-Abşeron seçki dairəsi dairə seçki komissiyasının sədri Vaqif Məmmədov və digərləri Azərbaycan Respublikası Prezidentinin seçkilərin keçirilməsi, səslərin hesablanması və nəticələrin rəsmiləşdirilməsi və bu istiqamətdə məntəqə seçki komissiyalarının fəaliyyətlərinin təşkili və vəzifələrindən bəhs etmişlər. Məntəqələrin işlək vəziyyətdə olması, seçkilərə hazırlıq, seçkilərin keçirilməsi qaydaları barədə təlimatdan irəli gələn məsələlər geniş şərhlərlə dinləyicilərin diqqətinə çatdırılmışdır.

Məntəqə seçki komissiyalarının sədrlərinə

MSK tərəfindən göndərilmiş təlimatlar, təşviqat materialları, seçki məcəlləsi, seçici siyahıları ilə bağlı plakatlar paylanılmışdır.

Kursda iştirakçıları maraqlandıran suallara da aydınlıq gətirilmişdir.

***

Mərkəzi Seçki Komissiyası (MSK) tərəfindən dairə seçki komissiyalarının üzvləri və məntəqə seçki komissiyalarının sədrləri üçün təşkil edilmiş seçki hüququ üzrə ixtisaslaşdırılmış kurslar avqustun 7-də başa çatmışdır.

Kurslar Azərbaycan Prezidentinin "Azərbaycan Respublikasında insan hüquqlarının müdafiəsi üzrə Milli Fəaliyyət Planının təsdiq edilməsi haqqında" 2006-cı il 28 dekabr tarixli və "Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramının təsdiq edilməsi haqqında" 2011-ci il 27 dekabr tarixli sərəncamlarına uyğun olaraq təşkil edilmişdir.

Kurslarda mühazirələr dinlənilmiş, seçici siyahılarının təkmilləşdirilməsi, rəsmi seçki sənədlərinin daşınması və saxlanılması təhlükəsizliyinin təmin edilməsi, seçki prosesində kütləvi informasiya vasitələrinin rolu, seçkiqabağı təşviqatın aparılmasına şəraitin yaradılması, bildirişlərin seçicilərə çatdırılması, eləcə də seçki komissiyaları ilə səmərəli əlaqənin qurulması və digər mövzularda müzakirələr aparılmışdır.

Kurslarda dairə seçki komissiyalarının üzvlərini və məntəqə seçki komissiyalarının sədrlərini maraqlandıran suallar cavablandırılmışdır.

AzərTAc

Azərbaycan. - 2013.- 8 avqust.- S. 6.