Təhsil naziri Siyəzən şəhərində vətəndaşları qəbul edəcəkdir

Avqustun 24-də saat 11.00-da təhsil naziri Mikayıl Cabbarov Siyəzən şəhərindəki Gənclər evində mərkəzi icra hakimiyyəti orqanları rəhbərlərinin 2013-cü ilin avqust ayında şəhər və rayonlarda vətəndaşların qəbulu cədvəlinə uyğun olaraq Siyəzən, Quba, Xaçmaz, Xızı, Şabran və Qusar rayonlarında yaşayan vətəndaşları qəbul edəcəkdir.

Təhsil Nazirliyindən AzərTAc-a bildirmişlər ki, qəbula gəlmək istəyən vətəndaşlar Təhsil Nazirliyinin "Qaynar xətt" xidmətinin 146 nömrəli telefonuna və ya office@edu.gov.az elektron poçt ünvanına müraciət edərək qeydiyyatdan keçə bilərlər.

Azərbaycan. - 2013.- 21 avqust.- S. 2.