Azərbaycan gəncləri Avropa İttifaqı tərəfindən dəstəklənən beynəlxalq təlim proqramında iştirak etmişlər

Gürcüstanın paytaxtı Tbilisidə keçirilən "Şərq Tərəfdaşlığı" ölkələrinin gənclər siyasəti" beynəlxalq təlim proqramında ölkəmizi Azərbaycan Respublikasının Prezidenti yanında Gənclər Fondunun aparat rəhbəri Faiq Qürbətov, Azərbaycan Respublikası Gənclər Təşkilatları Milli Şurasının nümayəndəsi Bəyimxanım Məmmədova və "İrəli" İctimai Birliyinin nəzarət-təftiş komissiyasının sədri Xaqani Fərəcov təmsil etmişlər.

"İrəli" İctimai Birliyinin mətbuat xidmətindən AzərTAc-a bildirmişlər ki, Avropa İttifaqı tərəfindən dəstəklənən beynəlxalq təlimdə "Şərq Tərəfdaşlığı" proqramına üzv ölkələrin dövlət rəsmiləri də iştirak etmişlər.

Beynəlxalq təlim proqramının əsas məqsədi gənclər siyasəti sahəsində təcrübə mübadiləsinin aparılması, Avropa İttifaqının gənclər siyasətinin "Şərq Tərəfdaşlığı" ölkələrində həyata keçirilməsi metodlarının hazırlanması olmuşdur.

Azərbaycan. - 2013.- 25 avqust.- S. 8.