Moskvada ASAIF-in baş katibi ilə görüş olmuşdur
Ümumrusiya Azərbaycan Konqresinin
(ÜAK) ofisində Xaricdə
Təhsil Alan və Məzun olmuş Azərbaycanlı Gənclərin
Beynəlxalq Forumunun
(ASAIF) baş katibi Nəcibə Mustafayeva ilə görüş keçirilmişdir.
ÜAK-ın icraçı direktoru İlqar Hacıyev Konqresin ofisində Rusiyada təhsil alan
azərbaycanlı tələbələrin
ASAIF-in nümayəndəsi ilə ilk dəfə görüşdüklərini qeyd
edərək, ümidvar
olduğunu bildirmişdir
ki, belə görüşlər mütəmadi
təşkil ediləcəkdir.
ÜAK-ın təhsil
bölməsinin müdiri
Aybəniz Rüstəmova
Azərbaycan gənclərinin
xaricdə keyfiyyətli
təhsil alması məsələsinə toxunmuşdur. O, həmçinin
vurğulamışdır ki,
hər bir gənc xaricdə Vətənini təmsil etdiyini unutmamalı, yaxşı oxumalı, savadlı mütəxəssis
və hərtərəfli
inkişaf etmiş şəxsiyyət kimi Azərbaycanı layiqincə
təmsil etməlidir.
Rusiya Azərbaycanlı Gənclər
Birliyinin (RAGB) nümayəndəsi
İbrahim İbrahimov
Birliyin fəaliyyətindən
danışaraq bildirmişdir
ki, Rusiyada təhsil alan
azərbaycanlı gəncləri
öz ətrafında
birləşdirən RAGB onların
dost ölkənin ictimai
həyatında fəal
iştirakına yaxından
dəstək olur. O demişdir: "Burada iştirak edən tələbələr Rusiya
ali məktəblərinin
tələbə klublarının
nümayəndələridir. ASAIF isə təkcə Rusiyada deyil, bütün dünyada təhsil alan
azərbaycanlı tələbələri
birləşdirir".
ASAIF-in baş katibi
Nəcibə Mustafayeva
RAGB-ni təmsil etdiyi təşkilat ilə fəal əməkdaşlığa çağırmışdır. N.Mustafayeva demişdir
ki, ASAIF-in baş katibi vəzifəsində
ilk səfərini Moskvaya
etməsi təsadüfi
deyildir. Bir neçə il
təşkilatın Moskva
bölməsinin əlaqələndiricisi
olduğunu vurğulayan
N.Mustafayeva ASAIF-in hər
üç təsisçisinin
də Rusiya paytaxtının ali məktəblərinin məzunları
olduqlarını söyləmişdir.
ASAIF-in həyata keçirdiyi
layihələrdən danışan
N.Mustafayeva demişdir:
"Yaxın vaxtlarda "Azərbaycan
Respublikası Dağlıq
Qarabağ Bölgəsinin
Azərbaycanlı İcması"
İctimai Birliyinin Əlaqələndirmə Şurasının
sədri Orxan Əkbərov ilə birlikdə Dağlıq Qarabağ münaqişəsi
ilə bağlı layihə təqdim olunacaqdır. Layihə çərçivəsində
Qarabağ həqiqətlərini
dünya ictimaiyyətinə
çatdırmaq üçün
Azərbaycanın qaçqın
və məcburi köçkünlərinin həyat
tarixçəsi əsasında
informasiyalar hazırlayırıq.
Daha bir "Voices for
peace, voices for Karabakh" layihəsini
xaricdə təhsil alan tələbələrimiz
gerçəkləşdirirlər. Onlar Azərbaycanın Ermənistan
tərəfindən zəbt
edilmiş rayonlarının
işğalı günlərində
təhsil aldıqları
şəhərlərin küçələrində
əcnəbi musiqiçilərlə
birlikdə Qarabağ haqqında musiqilər ifa edirlər. Bu aksiyalarla biz Dağlıq
Qarabağ probleminə
daha çox diqqəti cəlb etməyə çalışırıq
".
Tədbirdə tələbələr fikir
mübadiləsi aparmış,
ASAIF-in baş katibinə
suallar vermişlər.
Fəridə ABDULLAYEVA,
AzərTAc-ın xüsusi müxbiri
Moskva
Azərbaycan.-2013.- 3 dekabr.- S.7.