Ətraf mühitin mühafizəsinə dair
memorandum imzalandı
Azərbaycan Respublikasının Prezidenti
yanında Vətəndaşlara
Xidmət və Sosial İnnovasiyalar üzrə Dövlət Agentliyi və Heydər Əliyev Fondunun vitse-prezidenti Leyla xanım Əliyevanın rəhbərlik
etdiyi IDEA (Ətraf mühitin mühafizəsi
naminə beynəlxalq
dialoq) İctimai Birliyi arasında əməkdaşlığa dair
memorandum imzalanıb.
"ASAN xidmət"in mətbuat xidmətindən verilən
məlumata görə,
əməkdaşlıq memorandumunun
əsas məqsədi
bütün "ASAN xidmət"
mərkəzlərində ekoloji
layihələrin inkişafına
dəstək, vətəndaşların
ekoloji məlumatlılıq
səviyyəsinin artırılması,
maarifləndirmə sahəsində
birgə fəaliyyətin
qurulmasıdır. Bu istiqamətdə tədbirlər
keçirmək və
yeni-yeni aksiyalar təşkil etməklə
vətəndaşların diqqətini
cəlb etmək və ətraf mühitin müdafiəsini
birgə qorumaq əsas məsələlərdən
biri kimi diqqətdə saxlanılacaq.
İndi müasir dövrdə ətraf mühitin qorunması, qlobal ekoloji problemlərin həlli yolları beynəlxalq təşkilatların,
dünyanın qabaqcıl
dövlətlərinin də
diqqət mərkəzindədir. Hər il dünyanın
əksər ölkələrində
ekologiya ilə bağlı qeyd olunan tədbirlər insanları təbiətin
mühafizəsi ətrafında
birləşməyə çağırır,
onların maariflənməsində
mühüm rol oynayır. Odur ki, beynəlxalq
səviyyədə ətraf
mühitin qorunması
ilə bağlı təşəbbüslərə qoşulmaq və digər qarşılıqlı
maraq kəsb edən sahələrdəki
əməkdaşlığı əhatə etmək memorandumun məqsədini təşkil edən amillərdən biridir.
Qeyd edək
ki, Dövlət Agentliyi ilə IDEA İB artıq ilk müştərək
layihəyə start veriblər. Ekologiyanın qorunmasını birgə təşkil etmək və bu tipli
layihələrin gələcəkdə
də davam etdirilməsi əsas hədəflərdən biri
kimi diqqətdə saxlanılacaq. 2014-cü ilin yanvar ayında
mövcud layihə ilə bərabər, yeni layihələrin də reallaşması nəzərdə tutulub.
Elnur HADIYEV,
Azərbaycan.-2013.-7 dekabr.-S.5.