Azərbaycan xalqının ümummilli
lideri Heydər Əliyevin xatirəsinə
həsr edilmiş yeniyetmələr
arasında sərbəst güləş üzrə V Beynəlxalq
turnirdə Azərbaycan yığma komandası birinci yeri tutmuşdur
Dekabrın 8-də Brovarı Ali Bədən Tərbiyəsi Məktəbinin (BABTM) idman kompleksində Azərbaycan xalqının ümummilli lideri Heydər Əliyevin işıqlı xatirəsinə və Dünya Azərbaycanlılarının Həmrəylik Gününə həsr edilmiş 1997-1998-ci il təvəllüdlü oğlanlar və qızlar arasında sərbəst güləş üzrə V Beynəlxalq turnir uğurla başa çatmışdır.
Xatırladaq ki, artıq ənənəyə çevrilmiş bu maraqlı yarışların təşəbbüsçüsü və təşkilatçısı "Azərbaycançılıq İnstitutu" Beynəlxalq İctimai Təşkilatının prezidenti, Ukrayna Azərbaycanlılar Konqresinin (UAK) Kiyev şəhər təşkilatının sədri, sərbəst güləş üzrə əməkdar idman ustası, Azərbaycanın və keçmiş SSRİ-nin əməkdar məşqçisi Oleq Krapivindir.
İki gün davam etmiş turnirdə BABMT-nin idman kompleksinin tribunaları tamaşaçı ilə dolu idi. Yarışlarda Ukrayna, Azərbaycan, Belarus, Almaniya, Moldova, Rusiya Federasiyası, Rumıniya və Özbəkistanı təmsil edən 235 yeniyetmə oğlan və 126 qız iştirak etmişdir.
Dekabrın 8-də Əfqan Xaşalov (54 kq), Hacımurad Maqomedsaidov (76 kq) və İqbal Hacızadə (100 kq) qızıl medallara layiq görülmüşlər.
Ülkər Babayeva (40 kq) və Pənah İlyaslı (63 kq) gümüş medal, Leyla Qurbanova (52 kq) və Füzuli Hüseynov (54 kq) bürünc medal qazanmışlar.
Azərbaycan yığması bu ciddi və gərgin yarışlarda komanda hesabında birinci yeri tutmuşdur. Gənc idmançılarımızın adlı-sanlı müəllimləri Oqtay Hüseynov və Firdovsi Ömərov, habelə Nicat Hacıyev, qızların məşqçisi Rövşən Süleymanov, oğlanların məşqçiləri Əsgərxan Novruzov və Rövşən Hacıyevin də bu uğurda payı vardır.
Komanda hesabında
ikinci yeri Özbəkistan atletləri
tutmuşlar. Belarus və
Rumıniya idmançıları
isə fəxri kürsünün üçüncü
pilləsinə qalxmışlar.
Yarışların qaliblərinə
və mükafatçılarına
təltifləri, məşqçilər
qərargahına və
turnirin fəallarına
fəxri diplomları və qiymətli hədiyyələri Oleq Krapivin, Azərbaycanın Ukraynadakı səfirliyinin
müşaviri Nazim Əliyev, Belarus Azərbaycan
İcmaları Konqresinin
sədri, sambo və cüdo üzrə dördqat dünya çempionu, Belarusun əməkdar məşqçisi Natiq Bağırov, Azərbaycan
Daxili İşlər
Nazirliyinin Ukraynadakı
nümayəndəsi, polis polkovniki
Əkbər Yusifov, Azərbaycan Silahlı Qüvvələrinin Ukraynada
hərbi attaşesi, polkovnik Daşdəmir Məmmədov,
Azərbaycan Gənclər
və İdman Nazirliyinin sektor müdiri Aydın Məmmədov, UAK-ın Kiyev şəhər təşkilatı sədrinin
müavini Firudin Həşimov və başqaları təqdim etmişlər.
Oleq Krapivin AzərTAc-a müsahibəsində demişdir:
- Bizim oğlanların və qızların uğurlarına görə
böyük sevinc və qürur duyuram. Biz bir
daha sübut etdik ki, Azərbaycanın
şanlı güləş
ənənələri, bu
sahədə böyük
xidmətləri vardır.
Bu gün estafet
etibarlı əllərdədir.
Qonaqpərvərliyə və
turnirin keçirilməsi
üçün yaradılan
əla şəraitə
görə Brovarı
Ali Bədən Tərbiyəsi
Məktəbinin rəhbərliyinə,
xoş məramlarına
və Azərbaycan xalqının ümummilli
lideri Heydər Əliyevin işıqlı
xatirəsinə səmimi
hörmətlərinə görə
beynəlxalq yarışların
bütün iştirakçılarına
təşəkkür etmək
istərdim.
Fürsətdən istifadə edib, əziz həmvətənlərimi
qarşıdan gələn
Dünya Azərbaycanlılarının
Həmrəyliyi Günü
münasibətilə təbrik
etmək istərdim.
Daha bir köhnə bakılı, 30 ildən bəri Kiyevdə yaşayan Ukraynanın əməkdar məşqçisi,
yarışların hakimi
Pyotr Mişiyev də qarşıdan gələn bayram münasibətilə xoş
arzularını bildirmişdir.
O demişdir:
- Azərbaycan xalqının
ümummilli lideri Heydər Əliyevin işıqlı xatirəsinə
və Dünya Azərbaycanlılarının Həmrəylik
Gününə həsr
edilmiş yeniyetmələr
arasında sərbəst
güləş üzrə
Beynəlxalq turnir artıq beş
ildir ki, Ukraynada ən nüfuzlu və populyar yarışlardan biridir. Yarışların gedişində ciddi
seleksiya işi aparılır, istedadlı
və perspektivli güləşçilər ayrıca
qeydə alınır.
Mən bir məşqçi və hakim kimi deyə bilərəm ki, bu turnir
gənc atletlərin uğurlu karyerası üçün bir növ tramplindir. Konkret misal göstərmək istəyirəm. Keçən
il bundan
əvvəlki, sayca dördüncü yarışlarda
ukraynalı Andrey Yatsenko (54 kq) birinci yeri tutmuşdu.
Bundan sonra Yatsenko Avropa və dünya çempionu olmuşdur.
Həmvətənimiz çıxışının
sonunda dedi: "Azərbaycan xalqının
ümummilli lideri Heydər Əliyevin işıqlı xatirəsinə
və Dünya Azərbaycanlılarının Həmrəyliyi
Gününə həsr
edilmiş yeniyetmələr
arasında sərbəst
güləş üzrə
növbəti, VI Beynəlxalq
turniri səbirsizliklə
gözləyəcəyik".
Zeynal AĞAZADƏ,
AzərTAc-ın xüsusi müxbiri
Brovarı, Kiyev vilayəti
Azərbaycan.-2013.-10 dekabr.-S.12.