Əvəzsiz yadigarlardan
biri
BDÖZ 35 ildən
çoxdur Azərbaycana xidmət edir
Yaşayış binaları, sosial və istehsal təyinatlı obyektlər,
elektrik stansiyaları,
ixrac kəmərləriE
Ulu öndər Heydər Əliyevin Azərbaycana rəhbərliyinin
hər iki dövründə tikdirdiyi
belə yadigarlar yüzlərlədir.
Ümummilli liderin təşəbbüsü,
bilavasitə rəhbərliyi
ilə araya-ərsəyə
gələn, hətta
bir çoxlarının
yaranması yalnız ulu öndərin mübarizəsi, səyi, nüfuzu sayəsində reallaşan iqtisadi və sosial infrastruktur nümunələri
bu gün də Azərbaycana xidmət edir və xeyir-bərəkət
gətirir.
Ölkə iqtisadiyyatının inkişafına böyük töhfə verən müəssisələrdən biri də Heydər Əliyev adına Bakı Dərin Özüllər Zavodudur (BDÖZ). Təkcə Azərbaycanda deyil, bütün regionda dərin dəniz özüllərinin inşası ilə məşğul olan yeganə müəssisənin tikilməsinin təşəbbüskarı da ümummilli lider Heydər Əliyev olub. Ulu öndər keçmiş SSRİ-nin rəhbərliyi qarşısında məsələ qaldıraraq belə bir müəssisənin məhz Bakıda tikilməsinə nail ola bilmişdi.
Əvvəlcədən nəzərdə tutulduğu
kimi, BDÖZ nəinki
Xəzər dənizi
regionunda, həmçinin
keçmiş sovetlər
birliyinin digər hövzələrinin şelflərində
də özüllərin
və platformaların
tikintisini təmin etməli idi.
Zavodun tikintisinə 1978-ci ildə
başlandı. Əsas texnoloji avadanlıq
və yükqaldırma
mexanizmləri ilə təchiz olunmasında ETPM
fransız firması və "Demaq" Almaniya şirkəti iştirak etmişlər.
Müəssisə tikildikcə ətrafında
müvafiq infrastruktur yaradılırdı. Beləliklə,
Sahil qəsəbəsində
yaşayış evləri,
uşaq bağçaları,
məktəblər, texniki peşə
məktəbləri və
ticarət müəssisələri
tikildi.
1984-cü ilin aprel ayında zavod ildə 60 min ton metal konstruksiyaları istehsal etməklə layihə gücü ilə işləməyə başladı.
1985-ci ildə dərin özüllü platforma üçün birinci dayaq bloku
zavodun yanalma körpüsündən daşıma
gəmisinə yüklənərək
daimi nöqtəsinə
göndərildi və
orada quraşdırıldı.
Zavodda işləmək üçün
1500-dən çox yüksək
ixtisaslı fəhlə
və mütəxəssis
kadrları hazırlandı.
Müəssisənin istehsal gücü çərçivəsində bir sıra məmulat
növlərinin buraxılışı
nəzərdə tutulmuşdu. Bunlar 25
min tonluq dəniz stasionar platformalarının
dayaq hissələri,
30 min tonluq payalar, 5
min tonluq göyərtələr
idi.
1987-ci ildə
BDÖZ-ün əsasında
"Şelflayihətikinti" İstehsalat Birliyi təşkil olundu. İstehsalat birliyinin
təyinatı Xəzər
dənizinin şelf zonasında neft və qazın kəşfiyyatının başa
çatdırılması və hasilatı üçün dərin dəniz platformalarının
dayaq hissələrinin
hazırlanması idi.
Strukturun
tərkibinə BDÖZ-dən
başqa bir neçə tikinti-quraşdırma,
nəqliyyat, energetika idarəsi, təsərrüfat
və ticarət müəssisələri daxil
edildi.
2003-cü il yanvarın 24-də
ulu öndər Heydər Əliyevin fərmanı ilə müəssisəyə keçmiş
adının qaytarılması
hamının ürəyincə
oldu. Birliyin idarə və
müəssisələri isə
sex kimi BDÖZ-ün tərkibinə daxil edildi.
Prezident
İlham Əliyevin
2004-cü il martın
10-da imzaladığı "Azərbaycan xalqının
ümummilli lideri Heydər Əlirza oğlu Əliyevin xatirəsinin əbədiləşdirilməsi
haqqında" Fərmanı
ilə Bakı Dərin Özüllər
Zavoduna ulu öndərin adı verildi.
Heydər Əliyev
adına Bakı Dərin Özüllər Zavodunun fəaliyyəti çoxşaxəlidir.
Müəssisə dənizin
200 metrə qədər
olan dərinliyində
quraşdırılan istənilən
konstruksiyalı dayaq bloklarını və platforma göyərtələrini
hazırlamaq
imkanına malikdir.
Zavodun sexləri sahə üçün bir sıra zəruri
məhsulların hazırlanmasını
təmin edən ən müasir avadanlıqlarla təchiz olunub. Burada eləcə də
yüksək keyfiyyətli
qaynağın aparılması,
boruların rənglənməsi
və digər əməliyyatların həyata
keçirilməsi üçün
istehsalatlar yaradılıb.
İnşa edilmiş nəhəng
qurğuların dənizə
yola salınması üçün zavodun sahilə yaxın sahəsində müvafiq infrastrukturu var.
1994-cü ildə
"Əsrin müqaviləsi"
imzalandıqdan sonra zavodun üzərinə düşən işlər
birə-beş artdı. Həmin vaxtdan
bu nadir müəssisə
ulu öndər Heydər Əliyevin neft strategiyasının həyata keçirilməsi
uğrunda əzmlə
çalışaraq öz
fəaliyyətinin yeni
mərhələsini yaşamaqdadır.
2001-ci il aprelin 30-da "Azəri-Çıraq-Günəşli"
yataqlarının tammiqyaslı
işlənməsi çərçivəsində
Azərbaycan Respublikası
Dövlət Neft Şirkəti və Azərbaycan Beynəlxalq Əməliyyat
Şirkəti arasında
birinci faza ("Azəri" yatağının
mərkəzi hissəsi)
layihəsinin imzalanma mərasimi keçirildi. Ümummilli lider Heydər Əliyev mərasimdə çıxış edərək
bu müqaviləni
"Əsrin sazişi"
imzalandıqdan sonra ən əhəmiyyətli
hadisə kimi dəyərləndirdi.
Zavodda daha böyük və ən müasir platformaların tikintisi vüsət aldı. Bunun üçün müəssisədə geniş
yenidənqurma işləri
aparıldı.
2003-cü il noyabrın 24-də
Prezident İlham Əliyev zavodda oldu. Müəssisənin
25 illik yubileyi münasibətilə düzənlənən
tədbirin sonunda ölkə rəhbəri jurnalistlərin suallarını
cavablandırdı və
burada zavodun tarixi bir daha
xatırlandı, əhəmiyyəti
bir daha vurğulandı: "Bu zavod
elə-belə zavod deyil, onun yaradılması
da tarixi hadisədir. Burada deyildi, əgər 25 il əvvəl
bu zavod Azərbaycanda tikilməsəydi,
bəlkə də bu layihələr belə uğurla həyata keçirilməzdi.
İlk növbədə,
burada görülən
işlərin sürəti
azaldılacaqdı, yeddi
il yubanma
ola bilərdi. Ümumi xərclər 700 milyon
dollar arta bilərdi.
Əlbəttə, zavodun Azərbaycanda
tikilməsi məhz o vaxt Heydər Əliyevin fəaliyyəti
nəticəsində olubdur.
O vaxt mərkəzi hökumət bu zavodu Həştərxan şəhərində tikmək
qərarına gəlmişdi.
Amma Heydər Əliyevin müdaxiləsindən sonra
zavod Azərbaycanda tikildi. Bu gün burada 3500 azərbaycanlı
işləyir, yüksək
maaş alır... Neft sektoru uğurla
inkişaf edir. Neft sektorunda əldə olunan nəticələr ancaq cənab Prezident Heydər Əliyevin adı ilə bağlıdır.
Əgər o, gərgin vaxtlarda
təşəbbüs, qətiyyət
göstərməsəydi, bu layihələr elə layihə olaraq qalacaqdı".
Həmin vaxtdan daha 10 il
keçir. Başqa sözlə, BDÖZ artıq 35 ildən çoxdur Azərbaycana xidmət edir. Heydər Əliyevin adını şərəflə daşıyan
müəssisə böyük
nailiyyətlərə imza
atıb. Son 10 il ərzində təkcə "Azəri-Çıraq-Günəşli"
yataqlarının müqavilə
sahəsində 7 platforma
quraşdırılıb. Onlardan dördü
"Azəri"də, ikisi
"Dərinsulu Günəşli"dədir.
Sonuncu - "Qərbi Çıraq"
isə Xəzərdə
quraşdırılıb və
özünün ilk neftinin
yolunu gözləyir.
Beləliklə, "Əsrin
müqaviləsi"nin
"ilkin"i olan və 1997-ci ilin noyabrından neft verən "Çıraq"
da daxil olmaqla AÇG-nin 8 platforması var. Bu nəhəng
qurğuların bəziləri
bütövlükdə, bəzilərinin
isə xeyli hissəsi BDÖZ-də inşa edilib.
Əgər xatırlatsaq
ki, bu gün
Heydər Əliyev adına Bakı-Tbilisi-Ceyhan kəmərinin dünya bazarlarına ixrac etdiyi neft
həmin platformalarda hasil olunur, onda
BDÖZ-ün əhəmiyyətini
bir daha dərindən dərk edərik. BDÖZ-də indiyədək işləyən tanınmış,
dünya şöhrətli
şirkətlərin nümayəndələri
etiraf edirlər ki, əvvəl işlədikləri ölkələrin
heç birində belə geniş, möhtəşəm bir istehsalat sahəsi görməyiblər. Bəli,
BDÖZ adi bir zavod deyil! Ulu öndərin
əvəzsiz yadigarlarından
biridir. BDÖZ-ün
Azərbaycanın həyatında
və tarixində öz yeri var!
Prezident İlham
Əliyevin dediyi kimi: Bu zavod hələ uzun-uzun illər işləyəcək, Azərbaycan
üçün, bölgə
üçün, region üçün
çox mühüm işlər görəcəkdir!"
Flora SADIQLI,
Azərbaycan.-2013.-
12 dekabr.- S.13.