Qadın boksçularımız Qazaxıstanda 5 medal qazandılar

Qazaxıstanın Almatı şəhərində əməkdar məşqçi Menqerey Xayruddinovun xatirəsinə həsr olunmuş boks turnirinə yekun vurulmuşdur. Milli komandamız yarışda 1 qızıl, 1 gümüş və 3 bürünc medala sahib olmuşdur.

81 kq çəki dərəcəsində çıxış edən Aynur Rzayeva final görüşündə qalib gələrək turnirin baş mükafatına yiyələnmişdir. Yana Alekseyeva (60 kq) həlledici görüşdə Astana boksçusu Aleksandra Ritkovskayaya uduzaraq gümüş medalla kifayətlənmişdir. Əzizə Abbasova (48 kq), Leyla Cavadova (75 kq) və Anna Əlimərdanova (51 kq) isə bürünc medal əldə etmişlər.

Azərbaycan.-2013.-13 dekabr.-S.8.