Qvineyada İslam Əməkdaşlıq Təşkilatı
Xarici İşlər
Nazirləri Şurasının 40-cı sessiyası
keçirilmişdir
Dekabrın
9-11-də Qvineyanın paytaxtı
Konakri şəhərində
İslam Əməkdaşlıq
Təşkilatının (İƏT) Xarici İşlər Nazirləri Şurasının
"Sivilizasiyalararası dialoq:
Sülh və davamlı inkişaf amili" mövzusunda
40-cı sessiyası keçirilmişdir.
İclasda Azərbaycanı xarici işlər naziri Elmar Məmmədyarovun rəhbərliyi ilə nümayəndə heyəti
təmsil etmişdir.
Xarici İşlər Nazirliyinin
mətbuat xidmətindən
bildirilmişdir ki, Elmar Məmmədyarov tədbirdə çıxış
edərək diqqəti
Azərbaycanın sivilizasiyalar
və mədəniyyətlərarası
dialoqa töhfəsinə,
İƏT ölkələri və üzv dövlətlər ilə
əməkdaşlığın inkişafı məsələlərinə,
Ermənistanın Azərbaycana
qarşı təcavüzü
və onun doğurduğu ağır
fəsadlara cəlb etmişdir.
İclasın nəticəsi olaraq İƏT-ə üzv
ölkələrin Xarici
İşlər Nazirləri
Şurası tərəfindən
qəbul edilmiş yekun Konakri bəyanatında
Ermənistanın Azərbaycana
qarşı təcavüzü
pislənilmiş və
Ermənistan silahlı
qüvvələrinin işğal
etdiyi Azərbaycan ərazilərindən dərhal
çıxarılması tələb
olunmuşdur.
Yekun bəyanatda Azərbaycan Respublikasının Prezidenti
İlham Əliyevin təklifi əsasında Bakıda İƏT-in Əmək
Məsələləri üzrə
Mərkəzinin yaradılması
barədə qurumun
2013-cü il aprelin 25-26-da Bakıda keçirilmiş iclasında
İƏT əmək nazirlərinin
konfransının qəbul
etdiyi qərar və Azərbaycanın bu mərkəzə ev sahibliyi etməsi
alqışlanmışdır.
2014-cü
ilin noyabrında
İƏT-ə üzv dövlətlərin
inkişafında qadınların
roluna dair nazirlər konfransının
5-ci sessiyasının Azərbaycanda
keçirilməsi barədə
qərar da yekun bəyanatda üzv ölkələrin
xarici işlər nazirləri tərəfindən
təqdir olunmuşdur.
İƏT
Xarici İşlər
Nazirlərinin Şurası
tərəfindən "Ermənistan
Respublikasının Azərbaycan
Respublikasına qarşı
təcavüzü" və
"Ermənistan Respublikasının
Azərbaycan Respublikasına
qarşı təcavüzü
nəticəsində işğal
olunmuş Azərbaycan
torpaqlarında islam dininə aid tarixi və mədəni izlərin və ibadət ocaqlarının
dağıdılması və
təhqir olunması"
adlı qətnamələr
qəbul edilmişdir.
Dialoq və Əməkdaşlıq
uğrunda İslam Konfransı Gənclər Forumu tərəfindən təqdim olunan və İƏT Xarici İşlər Nazirləri
Şurasının qəbul
etdiyi qətnamədə
"Xocalıya ədalət"
kampaniyasına həsr
edilmiş xüsusi bənd öz əksini tapmışdır.
Həmin
bəndə əsasən İƏT-in üzv
ölkələrinin xarici işlər
nazirləri tərəfindən "Xocalıya ədalət"
beynəlxalq məlumat kampaniyası alqışlanır və
üzv dövlətlər bu
soyqırımı aktının milli və
beynəlxalq səviyyədə insanlığa qarşı
cinayət kimi tanınması üçün
kampaniyanın işində fəal iştirak
etməyə və lazımi səylər göstərməyə
çağırılır.
Xatırladaq ki, İƏT-in bu il fevralın 6-7-də Misirin paytaxtı Qahirə şəhərində
keçirilmiş Zirvə
toplantısında qəbul
edilmiş Qahirə yekun kommunikesində üzv ölkələrin
dövlət və hökumət başçıları
1992-ci ilin fevralında
Ermənistan silahlı
qüvvələri tərəfindən
Xocalıda mülki Azərbaycan əhalisinə
qarşı törədilmiş
soyqırımı əməllərini
insanlığa qarşı
cinayət kimi qiymətləndirmiş və
bu soyqırımının
milli və beynəlxalq səviyyələrdə
tanıdılması üçün
səylərin artırılmasına
dair çağırışlar
etmişlər.
Azərbaycan.-2013.-14
dekabr.-S.3.